കോട്ടയം: ജനറൽ ആശുപത്രി കാൻ്റീനിൽ നിന്ന് വാങ്ങിയ കടലക്കറിയിൽ പാറ്റ. വാഴൂർ കണ്ടപ്ലാക്കൽ കെ.ജി. രഘുനാഥൻ ബുധനാഴ്ച രാവിലെ പാഴ്സലായി അപ്പത്തിനൊപ്പം വാങ്ങിയ കടലക്കറിയിലാണ് പാറ്റയെ കണ്ടെത്തിയത്. ഇതോടെ കാൻ്റീൻ വീണ്ടും പൂട്ടിച്ചു.
ചൊവ്വാഴ്ച വാങ്ങിയ ഭക്ഷണത്തിൽ വണ്ടിനെ കണ്ടെത്തിയതായും പരാതിയിലുണ്ട്. ഭക്ഷ്യസുരക്ഷാവിഭാഗം പരിശോധന നടത്തി ഉച്ചയോടെ കാന്റീൻ അടപ്പിച്ചു.
നേരത്തെ ഇവിടെ നിന്നും വാങ്ങിയ ബിരിയാണിയിൽ പുഴുവിനെ കണ്ടെത്തിയതിനെ തുടർന്ന് കാൻ്റീൻ അടപ്പിച്ചിരുന്നു. വൃത്തിഹീനമായി പ്രവർത്തിക്കുന്നുവെന്ന് പരിശോധനയിൽ കണ്ടെത്തിയതിനെ തുടർന്നാണ് ആരോഗ്യവകുപ്പും പഞ്ചായത്തും ചേർന്ന് അടപ്പിച്ചത്. വൃത്തിയാക്കിയ ശേഷമായിരുന്നു തുറന്ന് പ്രവര്‌ത്തിക്കാൻ അനുമതി നൽ‌കിയത്.
