കൊല്ലം : മാതാ അമൃതാനന്ദമയിയ്‌ക്ക് ജന്മദിനാശംസകൾ നേർന്ന് മലയാളത്തിന്റെ പ്രിയതാരം മോഹൻലാൽ . മാതാ അമൃതാനന്ദമയിയുടെ 71-ാം പിറന്നാളാണിന്ന് . അമ്മ എന്ന പേര് അന്വർത്ഥമാക്കും വിധത്തിൽ കുഞ്ഞിനെ കൈയ്യിലെടുത്ത് താലോലിക്കുന്ന ചിത്രമാണ് പിറന്നാൾ ആശംസയ്‌ക്കൊപ്പം മോഹൻലാൽ സോഷ്യൽ മീഡിയയിൽ പങ്ക് വച്ചിരിക്കുന്നത് . നിരവധി പേരാണ് പോസ്റ്റിന് താഴെ ആശംസകൾ അറിയിച്ച് കമന്റ് ചെയ്തിരിക്കുന്നത് .
കഴിഞ്ഞ വർഷം മാതാ അമൃതാനന്ദമയിയുടെ സപ്തതി ആഘോഷങ്ങളിലും താരം പങ്കെടുത്തിരുന്നു .ധ്യാനത്തിലും ആത്മീയതയിലും മോഹൻലാലിന് താല്പര്യമുണ്ടെന്നും മുൻപ് അമൃതാനന്ദമയി ദേവി പറഞ്ഞിരുന്നു .
അതേസമയം ഇത്തവണ വയനാട് ദുരന്തത്തിന്റെ പശ്ചാത്തലത്തിൽ ജന്മദിന ആഘോഷ പരിപാടികളില്ല. ഗുരുപാദുക പൂജ, 101 യുവതികളുടെ വിവാഹം, അമൃതകീർത്തി പുരസ്കാര വിതരണം എന്നീ ചടങ്ങുകൾ നടക്കും. മാതാ അമൃതാനന്ദമയി പിറന്നാൾ സന്ദേശം നൽകും. തുടർന്ന് ഭക്തർക്കുള്ള ദർശനവും ആരംഭിക്കും.
