മക്കളായ ഉലകിന്റെയും ഉയിരിന്റെയും രണ്ടാം പിറന്നാൾ ആഘോഷമാക്കി നയൻതാരയും വിഘ്നേഷ് ശിവയും. ഇൻസ്റ്റഗ്രാമിൽ വൈകാരികമായ കുറിപ്പ് പങ്കുവച്ചാണ് നയൻതാര ഇരുവരുടെയും പിറന്നാൾ വിവരം ആരാധകരോട് പങ്കുവച്ചത്. ഉലകിന്റെയും ഉയരിന്റെയും ചിത്രങ്ങളും നയൻതാര ഇൻസ്റ്റഗ്രാമിൽ പങ്കുവച്ചു.
“ഹാപ്പി ബെർത്ഡേ എന്റെ അഴകൻസ്. ഞാൻ നിങ്ങളോടൊപ്പം ചെലവഴിക്കുന്ന ഓരോ നിമിഷവും ജീവിതക്കാലം മുഴുവൻ ജീവിച്ച് തീർത്തത് പോലെയാണ് എനിക്ക് തോന്നുന്നത്. എന്റെ ധൈര്യവും ജീവിതവും എല്ലാം നിങ്ങളാണ്.
പ്രപഞ്ചത്തിലെ എല്ലാ നന്മകളും നൽകി ദൈവം നിങ്ങളെ അനുഗ്രഹിക്കട്ടെയെന്ന് നയൻതാര ഇൻസ്റ്റഗ്രാമിൽ കുറിച്ചു.
മക്കളോടൊപ്പമുള്ള ചിത്രം പങ്കുവച്ച് വിഘ്നേഷ് ശിവനും ഇൻസ്റ്റഗ്രാമിൽ പ്രത്യേക്ഷപ്പെട്ടു. “നിങ്ങള്ക്ക് ഉയിര്, ഉലക് എന്ന് പേരിടുമ്പോള് നിങ്ങളെന്റെ ഉയിരും ഉലകും ആകണമെന്ന് ഞാൻ ശരിക്കും ആഗ്രഹിച്ചിരുന്നു. ഇപ്പോൾ നിങ്ങളെന്റെ ഉയിരും ഉലകും തന്നെയാണ്. നിങ്ങളുടെ അപ്പയും അമ്മയും ജീവിതത്തിൽ ഇതിന് മുമ്പ് ഇത്രയധികം സന്തോഷിച്ചിട്ടില്ല.
ദൈവത്തിന് ഞങ്ങളോട് ഒരുപാട് സ്നേഹമുണ്ട്. അതിനാലാണ് നിങ്ങളിലൂടെ ദൈവം ഞങ്ങളെ അനുഗ്രഹിച്ചത്. ദൈവത്തിന്റെ എല്ലാ അനുഗ്രഹങ്ങളും നിങ്ങൾക്കുണ്ടാകട്ടെ. എന്റെ പ്രാണനേ, എന്റെ പ്രപഞ്ചമേ പിറന്നാൾ ആശംസകൾ” എന്നായിരുന്നു വിഘ്നേഷ് ശിവയുടെ വാക്കുകൾ.
