തമിഴിലും, ഹിന്ദിയിലും , മലയാളത്തിലും പ്രശസ്തനായ നടനാണ് സയാജി ഷിൻഡെ. തിയേറ്റർ ആർട്ടിസ്റ്റായി തന്റെ കരിയർ ആരംഭിച്ച അദ്ദേഹം മറക്കാനാകാത്ത വില്ലൻ കഥാപാത്രങ്ങൾക്കും ജന്മം നൽകിയിട്ടുണ്ട്. അഭിനയത്തിനൊപ്പം നല്ലൊരു പ്രകൃതി സ്നേഹി കൂടിയണ് സയാജി . കർഷക കുടുംബത്തിൽ പിറന്നത് കൊണ്ടാണ് തനിക്ക് വൃക്ഷങ്ങളെ സ്നേഹിക്കാൻ കഴിയുന്നതെന്നും അദ്ദേഹം പറഞ്ഞിരുന്നു . ഇപ്പോഴിതാ തന്റെ അമ്മയെ കുറിച്ചും, വൃക്ഷ സംരക്ഷണത്തെ കുറിച്ചുമുള്ള സയാജിയുടെ വാക്കുകളാണ് ശ്രദ്ധ നേടുന്നത് .
‘ എനിക്ക് പണമുണ്ട് , ശരിയാണ് . പക്ഷെ അതുകൊണ്ട് എനിക്ക് എന്റെ അമ്മയുടെ ജീവൻ രക്ഷിക്കാനായില്ല . അപ്പോഴാണ് അമ്മയുടെ തൂക്കത്തിന് തുല്യമായ വിത്തുകൾ കൊണ്ടുവന്ന് ഇന്ത്യ മുഴുവൻ നടാൻ തീരുമാനിച്ചത്. അവ വളരുകയും പൂക്കളും പഴങ്ങളും കായ്ക്കുകയും ചെയ്യുന്നു. അത് കാണുമ്പോൾ അമ്മയെ ഓർമ്മ വരുമെന്നും ‘ സയാജി ഷിൻഡെ പറയുന്നു.
സാധാരണ ക്ഷേത്രത്തിൽ പോകുമ്പോൾ പ്രസാദം നൽകാറുണ്ട്. പ്രസാദത്തോടൊപ്പം ഒരു ചെടിയും നൽകുന്നത് നല്ലതാണ്. മഹാരാഷ്ട്രയിലെ മൂന്ന് ക്ഷേത്രങ്ങളിൽ ഞാൻ ഇത് തുടങ്ങിക്കഴിഞ്ഞു. എല്ലാവർക്കും അല്ലെങ്കിലും പ്രത്യേക പൂജകൾ ചെയ്യുന്നവർക്കെങ്കിലും ഇത് നൽകണം. ആന്ധ്രാ ഉപമുഖ്യമന്ത്രി പവൻ കല്യാണിനെ കാണാനായാൽ അദ്ദേഹത്തോടും ഈ പദ്ധതിയെ പറ്റി പറയണം. പ്രസാദത്തോടൊപ്പം ദൈവസന്നിധിയിൽ ചെടികളും വിതരണം ചെയ്യണം. ഇനിയുള്ള ജന്മങ്ങളിലും അവ നിലനിൽക്കുമെന്നും ‘ സയാജി പറഞ്ഞു
