നാഗ്പൂർ : ഹിന്ദുക്കൾ സംഘടിതരും ശക്തരുമായി തുടരണമെന്ന് ആർഎസ്എസ് സർസംഘചാലക് ഡോ. മോഹൻ ഭാഗവത് . നാഗ്പൂരിൽ നടന്ന വിജയദശമി ആഘോഷത്തിൽ സംസാരിക്കുകയായിരുന്നു അദ്ദേഹം . ദുർബലനായിരിക്കുക എന്നത് കുറ്റകരമാണ്. സമൂഹത്തിൽ ഭിന്നിപ്പും സംഘർഷവും പാടില്ല. നമ്മുടെ രാജ്യം മുന്നേറുകയാണ്. ഇന്ത്യയുടെ യശസ്സ് ലോകമെങ്ങും കെട്ടിപ്പടുത്തു. ഇന്ത്യയുടെ വൈവിധ്യമാണ് ഇന്ത്യയുടെ ശക്തി. ഈ പുരോഗതിയിൽ ചിലർക്ക് പ്രശ്നങ്ങളുണ്ട്.
ബംഗ്ലാദേശിൽ ഹിന്ദുക്കൾ പീഡിപ്പിക്കപ്പെടുകയാണ് . അവിടെ ന്യൂനപക്ഷങ്ങളുടെ മേൽ അപകടത്തിന്റെ വാൾ തൂങ്ങിക്കിടക്കുകയാണ്. ബംഗ്ലാദേശിൽ, ആദ്യമായി, സ്വയം പ്രതിരോധിക്കാൻ ഹിന്ദു സമൂഹം വീടിന് പുറത്തിറങ്ങി. അസംഘടിതരും ബലഹീനരുമായി തുടരുക എന്നത് ദുഷ്ടന്മാരുടെ ക്രൂരതകളെ ക്ഷണിച്ചുവരുത്തുക എന്നതാണ്. ലോകമെമ്പാടുമുള്ള ഹിന്ദു സമൂഹം ഇത് മനസ്സിലാക്കണം. ഹിന്ദുക്കൾ ഐക്യത്തോടെ നിലകൊള്ളേണ്ടത് വളരെ പ്രധാനമാണ്.
ലോകമെമ്പാടുമുള്ള ഹിന്ദുക്കൾക്ക് ഇന്ത്യാ ഗവൺമെൻ്റിന്റെ സഹായം ലഭിക്കണം. ബംഗാളിൽ ക്രിമിനലുകൾക്ക് സംരക്ഷണം നൽകാനുള്ള ശ്രമമുണ്ടായി. അതൃപ്തിയുടെ പേരിൽ കലഹം സൃഷ്ടിക്കുന്നത് തെറ്റാണ്. മതമൗലികവാദം ഇളക്കിവിട്ടാണ് കലഹങ്ങൾ സൃഷ്ടിക്കുന്നത്. ദുർബലവും അസംഘടിതവുമാകുന്നത് കുറ്റകരമാണ്. ആരാണ് ബംഗ്ലാദേശിനെ തെറ്റിദ്ധരിപ്പിക്കുന്നതെന്ന് എല്ലാവർക്കും അറിയാം. . ഗണേശ നിമജ്ജനത്തിന് നേരെ കല്ലേറുണ്ടായി.ഗുണ്ടായിസം തുടരാൻ അനുവദിക്കരുത്. നമ്മെ സംരക്ഷിക്കാൻ നാം ജാഗ്രത പുലർത്തണം, ഇത് നമ്മുടെ അവകാശവുമാണ്- അദ്ദേഹം പറഞ്ഞു.
