ഭുവനേശ്വർ: ദുർഗ പന്തലിൽ നിന്ന് 10 ലക്ഷം രൂപയുടെ സ്വർണം വെള്ളി ആഭരണങ്ങൾ മോഷണം പോയതായി പരാതി. ഒഡിഷയിലെ ജാജ്പൂർ ജില്ലയിലാണ് ഞെട്ടിക്കുന്ന സംഭവം. ബറുണ്ടേയ് ക്ഷേത്രത്തിലാണ് സംഭവമുണ്ടായതെന്ന് പൊലീസ് അറിയിച്ചു.
പുലർച്ചെ മൂന്ന് മണിയോടെ പൂജയ്ക്കെത്തിയ വേളയിലാണ് പൂജാരിമാരും കമ്മിറ്റി അംഗങ്ങളും സംഭവം അറിയുന്നത്. പിന്നാലെ ക്ഷേത്രം അധികൃതർ പരാതി നൽകുകയും അന്വേഷണം ആരംഭിക്കുകയും ചെയ്തു.
ദുർഗാദേവിക്കും മറ്റ് ദേവതകൾക്കും വഴിപാടായി സമർപ്പിച്ചിരുന്ന കിരീടം, മാല, ത്രിശൂലം, കമ്മലുകൾ, മുക്കൂത്തികൾ എന്നിവയാണ് മോൽണം പോയത്. വെള്ളി ആഭരണങ്ങളും മോഷ്ടിച്ചതായി അധികൃതർ അറിയിച്ചു.
