എറണാകുളം: സിനിമയിൽ അവസരം നൽകാമെന്ന വാഗ്ദാനം നൽകി സഹ സംവിധായികയെ പീഡിപ്പിച്ചതായി പരാതി. യുവതിയുടെ പരാതിയിൽ സംവിധായകൻ സുരേഷ് തിരുവല്ല, സുഹൃത്ത് വിജിത്ത് വിജയകുമാർ എന്നിവർക്കെതിരെ പൊലീസ് കേസെടുത്തു. മാവേലിക്കര സ്വദേശിയായ സംവിധായികയുടെ പരാതിയിലാണ് പൊലീസ് ഇരുവർക്കുമെതിരെ കേസെടുത്തത്.
സിനിമയിൽ അവസരം നൽകാമെന്ന് പറഞ്ഞും വിവാഹ വാഗ്ദാനം നൽകിയുമാണ് പീഡിപ്പിച്ചതെന്ന് യുവതിയുടെ പരാതിയിൽ പറയുന്നു. വിജിത്ത് സിനിമാ മേഖലയിലെ സെക്സ് റാക്കിന്റെ പ്രധാന കണ്ണികളിൽ ഒരാളാണെന്നും ആരോപണമുണ്ട്.
സിനിമയിൽ അവസരം നൽകണമെങ്കിൽ അഡ്ജസ്റ്റ്മെന്റിന് തയ്യാറാകണമെന്ന് സുരേഷ് തിരുവല്ല ആവശ്യപ്പെട്ടെന്നും വിജിത്ത് പീഡിപ്പിച്ചെന്നും സംവിധായിക പരാതിപ്പെട്ടു. യുവതി ഇതിന് മുമ്പും ഏതാനും സിനിമകളിൽ അഭിനയിച്ചിട്ടുണ്ട്.
