രക്തത്തിൽ കാണപ്പെടുന്ന ഒരു മാലിന്യമാണ് യൂറിക് ആസിഡ്. പ്യൂരിൻസ് എന്നറിയപ്പെടുന്ന രാസവസ്തുക്കൾ ശരീരം ഉത്പാദിപ്പിച്ച ശേഷം ചില രാസപ്രവർത്തനങ്ങളിലൂടെ വിഘടിപ്പിക്കുമ്പോഴാണ് ഇത്തരം മാലിന്യങ്ങൾ ഉണ്ടാവുന്നത്.
ശരീരത്തിലെ യൂറിക് ആസിഡിന്റെ അളവ് കൂടിയാൽ എന്ത് സംഭവിക്കുമെന്ന് എപ്പോഴെങ്കിലും ചിന്തിച്ചിട്ടുണ്ടോ? യൂറിക് ആസിഡ് കൂടിയാൽ ഗുരുതര പ്രശ്‌നങ്ങളിലേക്ക് വഴിവയ്‌ക്കുമെന്നാണ് പഠനങ്ങൾ പറയുന്നത്. ഇത് സന്ധിവാതത്തിനും, മൂത്രക്കല്ലിനും, വൃക്ക സംബന്ധമായ രോഗങ്ങൾക്കും വഴി വയ്‌ക്കുന്നു. യൂറിക് ആസിഡ് നിയന്ത്രിച്ച് നിർത്തേണ്ടത് അനിവാര്യമാണ്. ഇതിനായി ഈ ഡ്രൈ ഫ്രൂട്ടസ് ഭക്ഷണത്തിൽ ഉൾപ്പെടുത്താം..
വാൽനട്ട്
ഒമേഗ-3 ഫാറ്റി ആസിഡ്, ആന്റി- ഇൻഫ്‌ളമേറ്ററി ഘടകങ്ങൾ എന്നിവയാൽ സമ്പുഷ്ടമാണ് വാൽനട്ടുകൾ. യൂറിക് ആസിഡ് മൂലമുണ്ടാകുന്ന അസ്വസ്ഥതകൾ കുറയ്ക്കാൻ ഇത് സഹായിക്കുന്നു. സന്ധിവാതം പിടിപെടാനുള്ള സാധ്യതകൾ ഇത് കുറയ്‌ക്കുന്നു. അതിനാൽ വാൽനട്ടുകൾ ഭക്ഷണത്തിൽ ഉൾപ്പെടുത്താം.
പിസ്ത
ആന്റി ഓക്‌സിഡന്റുകൾ ധാരാളം അടങ്ങിയ ഡ്രൈ ഫ്രൂട്ടാണ് പിസ്ത. ഇത് സമ്മർദ്ദം കുറയ്ക്കാൻ സഹായിക്കുന്നു. സമ്മർദ്ദം അധികമായാൽ ശരീരത്തിലെ ആസിഡിന്റെ അളവും വർദ്ധിക്കുന്നു. ഇതൊഴിവാക്കാനായി പിസ്ത കഴിക്കാം..
ബാദാം
നാരുകൾ ധാരാളം അടങ്ങിയ ഭക്ഷണമാണ് ബദാം. ദഹനം കൃത്യമാക്കുന്നതിനും യൂറിക് ആസിഡിന്റെ ലെവൽ കുറയ്‌ക്കുന്നതിനും ഇത് സഹായിക്കുന്നു. വിറ്റാമിൻ-E യും ശരീരത്തിനാവശ്യമായ കൊഴുപ്പും ഇതിൽ അടങ്ങിയിട്ടുണ്ട്. ഇത് ഹൃദയാരോഗ്യം വർദ്ധിപ്പിക്കുകയും ചെയ്യുന്നു.
ഈന്തപ്പഴം
വൃക്കയുടെ ആരോഗ്യത്തിന് ഈന്തപ്പഴം ശീലമാക്കുന്നത് നല്ലതാണ്. പൊട്ടാസ്യവും നാരുകളും ഇതിൽ ധാരാളം അടങ്ങിയിരിക്കുന്നു. യൂറിക് ആസിഡിന്റെ ലെവൽ നിയന്ത്രിച്ച് നിർത്തി ശരീരത്തിനാവശ്യമായ പോഷകഘടകങ്ങൾ ഈന്തപ്പഴം നൽകുന്നു.
