രക്ഷാധികാരി ബൈജു എന്ന ചിത്രത്തിലൂടെ ശ്രദ്ധയാകർഷിച്ച ഹന്നാ റെജി കോശിയും ഹൃദയത്തിലൂടെ ശ്രദ്ധേയനായ കലേഷ് രാമാനന്ദും ഒന്നിക്കുന്ന പുതിയ ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തുവിട്ടു. ഫെയ്സസ് എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് മോഹൻലാലിന്റെ ഔദ്യോഗിക സോഷ്യൽ മീഡിയ പേജുകളിലൂടെയാണ് റിലീസ് ചെയ്തത്.
ടോപ്ലെസ് ആയാണ് ഇരുവരെയും പോസ്റ്ററിൽ കാണാനാകുന്നത്. ശരീരത്തിൽ ഛായ ചിത്രങ്ങളും വരച്ചിട്ടുണ്ട്. ഇത് സോഷ്യൽ മീഡിയയിൽ ഏവരെയും ആകർഷിച്ചിട്ടുണ്ട്. SVKA മൂവീസിന്റെ ബാനറിൽ SKR, അർജുൻ കുമാർ, ജനനി എന്നിവർ ചേർന്ന് നിർമിക്കുന്ന ചിത്രം സംവിധാനം ചെയ്യുന്നത് പുതുമുഖമായ നീലേഷ് ഇ.കെയാണ്.
സരയു അർജുൻ ഗോപാൽ, ശിവജി ഗുരുവായൂർ, ആർ.ജെ വിജിത, നിത പ്രോമി, ടി.എസ് സുരേഷ് ബാബു എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്. ഗോപി സുന്ദറാണ് സംഗീതം. വരികൾ ഹരിനാരായണൻ്റേതാണ്. പൃഥ്വിരാജ് നായകനായ ഡാർവിന്റെ പരിണാമമായിരുന്നു നടിയുടെ ആദ്യ ചിത്രം. കൂമൻ, കൊറോണ പേപ്പേഴ്സ്, ഡിഎൻഎ, തീർപ്പ്, പോക്കിരി സൈമൺ, ഒരു രഞ്ജിത് സിനിമ എന്നിവയാണ് നടിയുടെ മറ്റ് സിനിമകൾ.
