ചെറുതേനീച്ചകളുടെ കുത്ത് പോലും നമ്മളിൽ പലർക്കും സഹിക്കാൻ കഴിയില്ല. അപ്പോൾ ഏറ്റവും അപകടകാരിയായ തേനീച്ചയുടെ കുത്തോ! ‘കൊലയാളി തേനീച്ച’ എന്ന് അറിയപ്പെടുന്ന ആഫ്രിക്കൻ തേനിച്ചയാണ് ലോകത്തിലെ ഏറ്റവും അപകടകാരിയായ തേനീച്ചകളിലൊന്ന്. പടിഞ്ഞാറൻ തേനീച്ചയുടെ (അപിസ് മെലിഫെറ) ഒരു സങ്കരയിനമാണിത്. കിഴക്കൻ ആഫ്രിക്കയിലെ താഴ്ന്ന പ്രദേശത്താണ് ഈ തേനീച്ചയെ കാണാൻ കഴിയുക.
മറ്റ് തേനീച്ചകളെ അപേക്ഷിച്ച് ആഫ്രിക്കൻ തേനീച്ചകൾ സാധാരണയായി കൂടുതൽ പ്രതിരോധശേഷിയുള്ളവയാണ്. വേഗത്തിൽ ഇവ പ്രതികരിക്കുകയും ആളുകളെ പിന്തുടരുകയും ചെയ്യുന്നു. ഏകദേശം 1,000ലധികം മനുഷ്യരുടെ മരണത്തിന് ഇവ കാരണമായിട്ടുണ്ട്. അവ കുതിരകളെയും മറ്റു മൃഗങ്ങളെയും കൊന്നിട്ടുണ്ട്. ഇടയ്ക്കിടെ കൂട്ടം കൂടാനും കൂടുതൽ ദൂരം പോകാനും പ്രവണത കാണിക്കുന്നു. പെട്ടെന്ന് ഒരു ദിവസം കൂട് വിട്ട് കൂട്ടമായി ഇവ സ്ഥലം മാറും. പുഴയ്ക്ക് അരികിലുള്ള മരങ്ങളിൽ ആയിരിക്കും തേനീച്ചകൾ കൂടുതലും കൂടുകൂട്ടുക. ചുറ്റും ഒരു വലിയ അലാറം സോൺ ഉപയോഗിച്ച്, ആക്രമണാത്മകമായി കൂട് സംരക്ഷിക്കും. കൂടിനുള്ളിൽ “ഗാർഡ്” തേനീച്ചകളുടെ എണ്ണം കൂടുതലായിരിക്കും.
ആഫ്രിക്കൻ തേനീച്ചയെ പൊതുജനങ്ങൾ വ്യാപകമായി ഭയപ്പെടുന്നു. ആഫ്രിക്കൻ തേനീച്ചകളിൽ നിന്നുള്ള കുത്ത് പ്രതിവർഷം ശരാശരി രണ്ടോ മൂന്നോ പേരെ കൊല്ലുന്നുണ്ടെന്നാണ് റിപ്പോർട്ട്. ആഫ്രിക്കൻ തേനീച്ചയുടെ കുത്ത് മറ്റേതൊരു ഇനം തേനീച്ചകളേക്കാളും ശക്തമല്ല. പക്ഷേ, അവ കൂടുതൽ അപകടകരമാണ്. കാരണം അവ കൂടുതൽ എളുപ്പത്തിൽ പ്രകോപിപ്പിക്കപ്പെടുന്നു. കൂടുതൽ വേഗത്തിൽ ആക്രമിക്കും. കാൽ മൈൽ വരെ (400) പിന്തുടർന്ന് ഈ തേനിച്ചകൾ കുത്തി പരിക്കേൽപ്പിക്കും.
