പാക് മോഡൽ റോമ മൈക്കിളിന്റെ ബിക്കിനി റാംപ് വാക്ക് വീഡിയോയ്‌ക്ക് താഴെ അധിക്ഷേപ കമന്റുകളുമായി പാകിസ്താനിലെ മതമൗലികവാദികൾ. യാഥാസ്ഥിതികരുടെ പ്രതിഷേധം കനത്തതോടെ മോഡൽ വീഡിയോ ഡിലീറ്റ് ചെയ്തു. മിസ് ഗ്രാൻഡ് ഇൻ്റർനാഷണൽ 2024 സൗന്ദര്യമത്സരത്തിലെ ബിക്കിനി റാംപ് വാക്ക് വീഡിയോ ആണ് റോമ സോഷ്യൽമീഡിയയിൽ പങ്കുവച്ചത്.
റോമ മൈക്കിൾ ബിക്കിനി ധരിച്ച് റാംപിൽ നടക്കുന്നതിന്റെ വീഡിയോ ഓൺലൈനിൽ വൈറലായെങ്കിലും മോഡലിന്റെ വസ്ത്രധാരണത്തിനെതിരെ ഒരു വിഭാഗം അധിക്ഷേപ കമന്റുകളുമായെത്തുകയായിരുന്നു. എതിർപ്പ് ശക്തമായതോടെ മറ്റ്‌ വഴികളില്ലാതെ അവർ വീഡിയോ ഡിലീറ്റ് ചെയ്തു. വീഡിയോ ഡിലീറ്റ് ചെയ്‌തെങ്കിലും റാംപ് വാക്കിന്റെ ക്ലിപ്പുകൾ നിരവധി സോഷ്യൽ മീഡിയ അക്കൗണ്ടുകളിൽ പ്രചരിക്കുന്നുണ്ട്.
പാകിസ്താനിലെ യാഥാസ്ഥിതിക സദാചാര പൊലീസിംഗിന് ഇരയായതിനാൽ വീഡിയോ നീക്കം ചെയ്യുകയല്ലാതെ മറ്റൊരു മാർഗവുമില്ലെന്ന് മോഡലിന് പിന്തുണ അറിയിച്ചെത്തിയവർ പറഞ്ഞു. പാകിസ്താനിൽ സ്ത്രീകൾക്ക് വസ്ത്രധാരണത്തിലും സ്വാതന്ത്ര്യമില്ലെന്ന് മറ്റൊരു ഉപയോക്താവ് പറഞ്ഞു. ലാഹോർ സ്വദേശിയും മോഡലുമായ റോമ മൈക്കിൾ ബിടെക്ക് ബിരുദധാരിയാണ്. ലോകമെമ്പാടുമുള്ള ഫാഷൻ ഡിസൈനർമാരോടൊപ്പവും ബ്രാൻഡുകൾക്കൊപ്പവും പ്രവർത്തിച്ചിട്ടുള്ള റോമ ഒരു പ്രൊഫഷണൽ മോഡലും നടിയുമാണ്. കാൻ ഫാഷൻ വീക്ക്, ദുബായ് ഫാഷൻ ഷോ എന്നിവയുൾപ്പെടെ നിരവധി അന്താരാഷ്‌ട്ര പ്ലാറ്റ്‌ഫോമുകളിൽ പാകിസ്താനെ പ്രതിനിധീകരിച്ച് പങ്കെടുത്തിട്ടുണ്ട്.
Wow ! #Pakistan 🇵🇰 is crossing barriers & Rules !! Pakistani Model participated at Miss World Grand Show. #RomaMichael is looking Sexy & Stunning in Bikni. She has Perfect Lahori Body !! Thank you Ex PM #ImranKhan for modernize Pakistan. 😄😝 pic.twitter.com/ZmtjYYcLXP
— Umair Sandhu (@UmairSandu) October 22, 2024
