ഹോളിവുഡ് ക്ലാസിക് ചിത്രങ്ങളിലെ നായകനായി മമ്മൂട്ടി. എഐ സാങ്കേതികവിദ്യ ഉപയോഗിച്ച് ഒരുക്കിയ വീഡിയോയിലാണ് ഹോളിവുഡ് ചിത്രങ്ങളിലെ നായകനായാണ് മമ്മൂട്ടിയെ അവതരിപ്പിച്ചിരിക്കുന്നത്. കഴിഞ്ഞ ദിവസം മോഹൻലാലിന്റെ എഐ വീഡിയോ പുറത്തുവന്നിരുന്നു. ഇതിന് സമാനമായ കാരക്ടർ ലുക്കുകളോടെയാണ് മമ്മൂട്ടിയുടെ വീഡിയോയും ഒരിക്കിയിക്കുന്നത്.
പുള്ളിയെ എങ്ങനെ വേണമെങ്കിലും ചെയ്യാം ഇവിടെ എല്ലാം ചേരും 🔥#mammootty pic.twitter.com/OmA20yrhgZ
— Truth. General (@SHEMIM674021) October 29, 2024
ഗോഡ്ഫാദർ, റോക്കി, എക്സ് മെൻ, ജോക്കർ, ജോൺ വിക്ക്, റാമ്പോ, പൈറേറ്റ്സ് ഓഫ് ദ കരീബിയൻ, ടോപ്പ് ഗൺ എന്നീ ചിത്രങ്ങളിലെ നായക കഥാപാത്രങ്ങളുടെ ലുക്കിലുള്ള മെഗാസ്റ്റാർ മമ്മൂട്ടിയാണ് വീഡിയോയിലുള്ളത്. എഐ എഞ്ചിനീയർ എന്ന സോഷ്യൽ മീഡിയ അക്കൗണ്ടിലൂടെയാണ് വീഡിയോ പുറത്തുവന്നത്. ക്യാപ്റ്റൻ ജാക്ക് സ്പാരോയും ജയിംസ് ബോണ്ട് ആയുമൊക്കെയുള്ള മമ്മൂട്ടിയുടെ പകർന്നാട്ടം സോഷ്യൽ മീഡിയയിൽ ശ്രദ്ധേയമാവുകയാണ്.
ഹോളിവുഡ് കഥാപാത്രങ്ങളായി പ്രേക്ഷകർക്ക് മുന്നിലെത്തിയ മോഹൻലാലിന്റെ എഐ വീഡിയോ സോഷ്യൽ മീഡിയയിൽ വൈറലായിരുന്നു. ടൈറ്റാനിക്ക്, ടോപ് ഗണ്‍, ഇന്ത്യാന ജോണ്‍സ്, മേട്രിക്‌സ്, സ്റ്റാര്‍ വാര്‍സ്, ജയിംസ് ബോണ്ട് എന്നീ സിനിമകളിലെ കഥാപാത്രങ്ങളായാണ് മോഹൻലാൽ ആരാധകർക്ക് മുന്നിലെത്തിയത്.
