ഫുട്ബോൾ മത്സരത്തിനിടെ മിന്നലേറ്റ യുവാവിന് ദാരുണാന്ത്യം. പെറുവിലെ മത്സരത്തിനിടെയുള്ള ഞെട്ടിപ്പിക്കുന്ന വീഡിയോ വളരെ വേഗം പ്രചരിച്ചു. പെറുവിലെ ഹുവാങ്കയോയിലെ രണ്ട് ക്ലബ്ബുകൾ തമ്മിലുള്ള മത്സരത്തിനിടെയാണ് ദാരുണമായ സംഭവം നടന്നത്. മഴ കനത്തതോടെ കളിക്കാർ ഗ്രൗണ്ട് വിടാൻ റഫറി നിർദേശം നൽകി.
ഇതനുസരിച്ച് ലോക്കർ റൂമിലേക്ക് മടങ്ങുമ്പോഴാണ് അപകടമുണ്ടായത്. 39-കാരനായ ഹ്യൂഗോ ഡെ ലാ ക്രുസ് എന്ന താരമാണ് തത്ക്ഷണം മരിച്ചത്. പൊള്ളലേറ്റ ചിലരെ ആശുപത്രിയിൽ പ്രവേശിപ്പിച്ചു. നവംബർ മൂന്നിനായിരുന്നു സംഭവം. വൈകിട്ട് നാലിന് യുവൻ്റഡ് ബെല്ലവിസ്തയും ഫാമിലിയ ചോക്കയും ഏറ്റുമുട്ടിയപ്പോഴാണ് പൊടുന്നനെ മിന്നലടിച്ചത്.
ഏതാനും കളിക്കാർക്ക് പരിക്കേറ്റതായും റിപ്പോർട്ടുണ്ട്.ഇതിന്റെ വീഡിയോയാണ് സോഷ്യൽ മീഡിയയിലൂടെ പുറത്തുവന്നത്. പ്രതിരോധ താരമായിരുന്നു മരിച്ച ജോസ് ഹ്യൂഗോ. ഗോൾ കീപ്പർ യുവാൻ ഗുരുതരാവസ്ഥയിൽ തുടരുകയാണെന്ന് ആശുപത്രി അധികൃതർ വ്യക്തമാക്കി.
In Peru, a soccer player died after being struck by lightning during a match
The tragedy occurred on November 3 during a match between clubs Juventud Bellavista and Familia Chocca, held in the Peruvian city of Huancayo.
During the game, a heavy downpour began and the referee… pic.twitter.com/yOqMUmkxaJ
— NEXTA (@nexta_tv) November 4, 2024
