ജി-7 ഉച്ചകോടിയിൽ ടൂറിസം മന്ത്രിതല ചർച്ചകളിൽ പങ്കെടുക്കാൻ ഇറ്റലിയിലെത്തി കേന്ദ്രമന്ത്രി സുരേഷ് ഗോപി. ഇവിടെ നിന്നുള്ള ചിത്രങ്ങളും താരം സോഷ്യൽ മീഡിയയിൽ പങ്കുവച്ചിട്ടുണ്ട്. കഴിഞ്ഞ ദിവസമാണ് അദ്ദേഹം ഇറ്റലിയിലെത്തിയത്. സിയേന്ന ടൗൺ മേയറെയും മറ്റ് പ്രതിനിധികളെയും സന്ദർശിച്ചിരുന്നു. തുടർന്ന് ഫ്ലോറൻസിൽ നടന്ന ടൂറിസം മന്ത്രിമാരുടെ മീറ്റിംഗിലും അദ്ദേഹം പങ്കെടുത്തു. 13 മുതൽ 15 വരെയാണ് ചർച്ചകൾ.
ഈജിപ്തിന്റെ ടൂറിസം മന്ത്രിമായി ചർച്ച നടത്തിയ അദ്ദേഹം ഇരുരാജ്യങ്ങൾക്കുമിടിലുള്ള വിനോദ സഞ്ചാര സാദ്ധ്യതകൾ വർദ്ധിപ്പിക്കാൻ സഹായകരമായി ചില ഐഡികൾ പരസ്പരം പങ്കുവച്ചുവെന്നും വ്യക്തമാക്കി. ലോക നേതാക്കൾക്കൊപ്പം ജി-7 ഉച്ചകോടിയിൽ പങ്കെടുക്കാനായതിന്റെയും അവരുടെ കാഴ്ചപാടുകൾ യാഥാർത്ഥ്യമാകുന്നതും കാണാൻ സാധിച്ചതിന്റെയും സന്തോഷവും അദ്ദേഹം സോഷ്യൽ മീഡിയയിൽ കുറിപ്പായും ചിത്രങ്ങളായും പങ്കുവച്ചിട്ടുണ്ട്. പിസ ഗോപുരം സന്ദർശിച്ചതിന്റെയും ചിത്രങ്ങൾ ഉൾപ്പടെയാണ് ഷെയർ ചെയ്തത്.
