മേടം രാശി (അശ്വതി, ഭരണി, കാർത്തിക ആദ്യ കാൽഭാഗം)
കോടതി വ്യവഹാരത്തിൽ ഇരിക്കുന്ന സ്വത്തു സംബന്ധമായ വിഷയങ്ങൾ വിജയം നേടും. കുടുംബത്തിൽ മംഗള കർമ്മത്തിനു സാധ്യത. തൊഴിൽ വിജയം, ബിസിനസിൽ ലാഭം, ഭക്ഷണ സുഖം, വാഹന ഭാഗ്യം, സത് സുഹൃത്തുക്കളെ ലഭിക്കുക ഒക്കെയും പ്രതീക്ഷിക്കാം. കലാസാഹിത്യ മേഖലകളിൽ ഉള്ളവർക്ക് സമ്മാനങ്ങൾ ലഭിക്കാൻ യോഗം. എന്നിരുന്നാലും വാരാന്ത്യം ശരീര സുഖക്കുറവ്, ബന്ധുജന കലഹം, മാതൃ ക്ലേശം ഒക്കെ സാധ്യത.തൊഴിൽപരമായ സഞ്ചാര ക്ലേശം, കുടുംബം വിട്ടു ദൂരദേശ വാസം ഒക്കെ സാധ്യത. വാഹനങ്ങൾ സൂക്ഷിച്ചുപയോഗിക്കുക.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം)
വാരത്തിന്റെ തുടക്കത്തിൽ പ്രവർത്തനമാന്ദ്യത, സന്താനങ്ങളെ കൊണ്ടുള്ള ദുരിതം, ദമ്പതികളിൽ കലഹം, കുടുംബത്തിൽ ശത്രുത, എല്ലാ കാര്യങ്ങളിലും തടസം നേരിടുക, രോഗാദി ദുരിതങ്ങൾ ,അനാവശ്യ ചിലവുകൾ ഒക്കെയും സാധ്യത. വ്യവസ്ഥകൾ പാലിക്കാൻ പറ്റാതെ ഏറ്റെടുത്ത കാര്യങ്ങൾ ഒക്കെയും നിറവേറ്റാൻ കഷ്ടപ്പെടേണ്ടി വന്നേക്കാം. വിദേശ തൊഴിലിൽ നിന്നും മാറി നിൽക്കാൻ നിർബന്ധിതനാകും. വാരം മധ്യത്തോടെ ധനലാഭം ഉണ്ടാകുമെങ്കിലും കുടുംബപരമായി ഈ വാരം വളരെ മോശം അനുഭവങ്ങൾ സമ്മാനിക്കും. ഉദരരോഗം സൂക്ഷിക്കുക.വാഹന ഭാഗ്യം ഒക്കെ ഉണ്ടെങ്കിലും ഭാര്യ ഭർതൃ സന്താന ഹാനി, ദൂരദേശ വാസം ഒക്കെയും പ്രതീക്ഷിക്കാം.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം)
എന്തു കാര്യത്തിനും മനസോടെ ഇറങ്ങി പുറപ്പെട്ടാൽ അതിൽ വിജയം ഭവിക്കുന്ന വാരം ആയിരിക്കും. തൊഴിൽ വിജയം, ധനലാഭം, ഭക്ഷണ സുഖം, കോടതി വ്യപഹാരങ്ങളിൽ അനുകൂലമായ വിധി, ചിന്താശേഷി, പക്വത ഒക്കെയും പ്രതീക്ഷിക്കാം. കുടുംബ ബന്ധുജനങ്ങളുമായി അഭിപ്രായ വ്യത്യാസം ഉണ്ടാകും. അന്യദേശ വാസം തൊഴിൽ ഒക്കെയും അനുഭവത്തിൽ വന്നേക്കാം. സ്ത്രീകളുമായി അടുത്തിടപഴകുവാൻ അവസരം ലഭിക്കുമെങ്കിലും വളരെ അധികം ജാഗ്രത പാലിച്ചില്ലെങ്കിൽ ധന നഷ്ട്ടം, മാനഹാനി ഉണ്ടാകും. അനാരോഗ്യം അലട്ടും. നേത്രരോഗങ്ങൾ ഉള്ളവർ സൂക്ഷിക്കുക. ഭാര്യാഭർത്യ സന്താനഹാനി ഒക്കെ സംഭവിച്ചേക്കാം.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം)
ഈ വാരം ഗുണദോഷ സമ്മിശ്രമായിരിക്കും. വാരത്തിന്റെ തുടക്കത്തിൽ അനാവശ്യ കൂട്ടുകെട്ടുകൾ ധനനഷ്ടം മാനഹാനി ഒക്കെയും കൊണ്ടുവരും. തൊഴിൽ ഇടങ്ങളിൽ പലവിധ അഭിപ്രായ വ്യത്യാസവും ദുരിതങ്ങളും വന്നു ചേരും. വരവിനേക്കാൾ ചെലവുണ്ടാകുകയും കുടുംബ ബന്ധു ജനങ്ങളുമായി അഭിപ്രായ വ്യത്യാസം ഉണ്ടാകുകയും അത് വഴി അകൽച്ച അനുഭവപ്പെടുകയും ചെയ്യും. ശരീര ശോഷണം അനുഭവപ്പെടുകയും പല തരത്തിലുള്ള അനാരോഗ്യം നേരിടേണ്ടി വരും. വാര മധ്യത്തോടെ ആരോഗ്യ വർദ്ധനവ്, തൊഴിൽ വിജയം, ഉന്നത സ്ഥാനപ്രാപ്തി ഒക്കെയും ഫലത്തിൽ വരും.കലാകാരന്മാരെ സംബന്ധിച്ച്, കീർത്തിയും, അപകീർത്തിയും ഒരുപോലെ അനുഭവത്തിൽ വരുന്ന സമയം ആണ്.
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
