വിവാഹജീവിതത്തിൽ താത്പര്യമില്ലെന്ന് നടി ഐശ്വര്യ ലക്ഷ്മി. ആ ഇൻസ്റ്റിറ്റ്യൂഷനിൽ വിശ്വസിക്കുന്നില്ലെന്നും ആലോചിച്ചെടുത്ത തീരുമാനമാണെന്നും നടി പറഞ്ഞു.
പുതിയ സിനിമയായ ഹലോ മമ്മിയുടെ പ്രമോഷനുമായി ബന്ധപ്പെട്ട് യുട്യൂബ് ചാനലിന് നൽകിയ അഭിമുഖത്തിലാണ് നടി കാഴ്ചപ്പാട് വ്യക്തമാക്കിയത്.
25-ാം വയസ് വരെ വിവാഹം എന്നത് സ്വപ്നമായിരുന്നു. ഗുരുവായൂർ അമ്പലത്തിൽ താലി കെട്ടണം, തുളസിമാല വേണം എന്നൊക്കെയുള്ള പ്ലാനുണ്ടായിരുന്നു. അമ്മ ഗുരുവായൂരപ്പ ന്റെ ഭക്തയായിരുന്നു. അവിടെ കണ്ടിരുന്ന കല്യാണങ്ങളിൽ നിന്നാണ് തനിക്ക് വിവാഹം എന്ന സ്വപ്നം വന്നത്. ഒരു പങ്കാളിയെ കണ്ടെത്തി വിവാഹം ചെയ്ത് കുട്ടികൾ വേണമെന്ന് കരുതിയിരുന്നു. ഇടയ്ക്ക് മാട്രിമാേണിയിൽ അക്കൗണ്ടും ഞാൻ പറഞ്ഞത് പ്രകാരം അമ്മയെടുത്തിരുന്നു. അത് ഫേക്ക് പ്രൊഫൈലാണെന്നാണ് മിക്കവരും കരുതിയത്.
എന്നാൽ, ഇപ്പോൾ അങ്ങനെയല്ല. വിവാഹം കഴിച്ച മിക്കവരും സന്തോഷത്തിലല്ല. ഇപ്പോൾ 34 വയസുണ്ട്. ബോധവും ബുദ്ധിയും വന്നപ്പോഴാണ് എനിക്ക് ഇത് ആവശ്യമില്ലെന്ന് മനസിലായതെന്നും ഐശ്വര്യ വ്യക്തമാക്കി.
