ചിങ്ങം രാശി (മകം, പൂരം, ഉത്രം ആദ്യ കാൽഭാഗം)
ഈ വാരത്തിൽ ചില തിരിച്ചറിവുകൾ വരുന്നതോടെ ധൈര്യത്തോടെ ചിന്തിക്കാനും പ്രവർത്തിക്കാനും തുടങ്ങും. ജീവിതത്തിലെ പ്രധാനപ്പെട്ട ബന്ധങ്ങളിൽ ചില നല്ല മാറ്റങ്ങൾ നടക്കും, പ്രത്യേകിച്ച് പങ്കാളിയുമായും കുടുംബാംഗങ്ങളുമായും. ദീർഘകാലമായി കാണാത്ത സുഹൃത്തുക്കളെ കണ്ടുമുട്ടാനും അവരോടൊപ്പം സമയം ചെലവഴിക്കാനും അവസരം ലഭിക്കും. ശത്രുക്കളെ മറികടക്കുകയും അവരുടെ ദുഷ്ട ഉദ്ദേശ്യങ്ങൾ പരാജയപ്പെടുത്തുകയും ചെയ്യും.കോടതിയിൽ നിലനിന്നിരുന്ന കേസുകളിൽ അനുകൂലമായ വിധി ലഭിക്കാൻ സാധ്യതയുണ്ട്. തൊഴിലിലെ ഏതെങ്കിലും നിലനിൽക്കുന്ന പ്രശ്നങ്ങൾക്ക് പരിഹാരം കാണാനും കഴിയും. മാതാവിനോ മാതൃ ബന്ധുക്കൾക്കോ രോഗമോ മരണ അവസ്ഥയോ ഉണ്ടാകാൻ സാധ്യതയുണ്ട്. മനഃശക്തി കുറയുകയും ഉറക്കക്കുറവ് അനുഭവപ്പെടുകയും ദുഃസ്വപ്നങ്ങൾ കാണുകയും ചെയ്യും.
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം)
ഈ വാരം സന്തോഷവും വിജയവും നിറഞ്ഞ സമയമായിരിക്കും. നിരവധി നല്ല കാര്യങ്ങൾ സംഭവിക്കാൻ സാധ്യതയുണ്ട്. ശത്രുക്കളിൽ നിന്ന് വിജയം ലഭിക്കും. തൊഴിൽപരമായി നേട്ടങ്ങൾ ലഭിക്കാൻ സാധ്യതയുണ്ട്. സ്ഥാനക്കയറ്റം, പ്രമോഷൻ, പുതിയ അവസരങ്ങൾ പ്രതീക്ഷിക്കാം. ദാമ്പത്യ ജീവിതത്തിൽ ഐക്യവും സന്തോഷവും നിറയും. ഈ വാരം രുചികരമായ ഭക്ഷണം കഴിക്കാൻ സാധിക്കും. പ്രശസ്തിയും ബഹുമാനവും വർദ്ധിക്കും. ധനപരമായി നേട്ടം ലഭിക്കാൻ സാധ്യതയുണ്ട്. കുടുംബത്തിൽ സന്തോഷവുംഐക്യവും നിറഞ്ഞ അന്തരീക്ഷം ഉണ്ടാകും. മംഗളകരമായ കാര്യങ്ങൾ സംഭവിക്കാൻ സാധ്യതയുണ്ട്. വളരെക്കാലമായി ഉണ്ടായിരുന്ന മാനസിക പിരിമുറുക്കം കുറയും. സന്തോഷവും സമാധാനവും അനുഭവപ്പെടും.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം)
ഈ വാരം ഗുണദോഷ സമ്മിശ്രമായിരിക്കും. വാരത്തിന്റെ തുടക്കം അനാവശ്യകൂട്ട്, മാനസിക പിരിമുറുക്കം, ധനനഷ്ട്ടം രോഗാവസ്ഥ എന്നിവ ഉണ്ടാകും. ചില നല്ല കാര്യങ്ങൾ സംഭവിക്കാൻ സാധ്യതയുണ്ടെങ്കിലും, ചില വെല്ലുവിളികളും നേരിടേണ്ടിവന്നേക്കാം. വളരെക്കാലമായി തെറ്റിദ്ധാരണയുടെ പേരിൽ പിണങ്ങിയിരുന്ന ബന്ധുക്കൾ, സുഹൃത്തുക്കൾ ഒക്കെ തമ്മിൽ പുനഃസമാഗമം ഉണ്ടാകാൻ സാധ്യതയുണ്ട്. വാരം മധ്യത്തോടെ രോഗശാന്തി, മനഃശാന്തി, നിദ്രാ സുഖം എന്നിവ അനുഭവപ്പെടും. സാമ്പത്തികമായി നേട്ടം ലഭിക്കാൻ സാധ്യതയുണ്ട്. ചിന്താശേഷി വർദ്ധിക്കുകയും പ്രശ്നങ്ങൾ പരിഹരിക്കാനുള്ള കഴിവ് മെച്ചപ്പെടുകയും ചെയ്യും. പറയുന്ന കാര്യങ്ങളിൽ വ്യക്തത ഉണ്ടാകുകയും പുതിയ കാര്യങ്ങൾ പഠിക്കാനും പുതിയ വെല്ലുവിളികൾ ഏറ്റെടുക്കാനും ധൈര്യം കാണിക്കുകയും ചെയ്യും.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട)
ഈ വാരം ജീവിതത്തിൽ ഭാഗ്യവും സമൃദ്ധിയും നിറഞ്ഞ സമയമായിരിക്കും. പ്രധാനമായും വിശേഷപ്പെട്ട തീർത്ഥ സ്ഥലങ്ങൾ സന്ദർശിക്കാൻ അവസരം ലഭിക്കും. പുതിയ സംരംഭങ്ങൾ ആരംഭിക്കാൻ അനുകൂല സമയമാണിത്. അപ്രതീക്ഷിതമായി പണം ലഭിക്കാനുള്ള സാധ്യതയുണ്ട്. രോഗശാന്തി, പുതിയ വസ്ത്രങ്ങൾ, ആഭരണങ്ങൾ എന്നിവ ലഭിക്കാനുള്ള സാധ്യതയുണ്ട്. സമ്മാനങ്ങളും അംഗീകാരവും ലഭിക്കാൻ സാധ്യതയുണ്ട്. ലോട്ടറിയിൽ ഭാഗ്യം പരീക്ഷിക്കാൻ പറ്റിയ സമയം ആണ്. കുടുംബത്തിൽ സ്വസ്ഥതയും സമാധാനവും ദാമ്പത്യ ഐക്യവും ഉണ്ടാകും. പരസ്പര ധാരണയും സ്നേഹവും വർദ്ധിക്കും. കുടുംബാംഗങ്ങൾ ഒരുമിച്ച് സന്തോഷകരമായ സമയം ചെലവഴിക്കും.
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
