ധനു രാശി (മൂലം, പൂരാടം, ഉത്രാടം ആദ്യ കാൽഭാഗം)
ഈ വാരം മനസ്സിൽ വിചാരിക്കുന്ന പല കാര്യങ്ങൾ യാഥാർത്ഥ്യമാകുന്നത് കാണാൻ സാധിക്കും. തൊഴിൽ രംഗത്ത് അപ്രതീക്ഷിതമായ ഉയർച്ച ലഭിക്കും. പുതിയ അവസരങ്ങൾ വാതിൽക്കൽ കാത്തിരിക്കുന്നു. പുതിയ വരുമാന മാർഗങ്ങൾ തുറന്നേക്കാം. അപ്രതീക്ഷിതമായ ധനലാഭം ലഭിക്കാൻ സാധ്യതയുണ്ട്. കുടുംബത്തിൽ നിന്നും സുഹൃത്തുക്കളിൽ നിന്നും സന്തോഷകരമായ വാർത്തകൾ ലഭിക്കാൻ സാധ്യതയുണ്ട്. എന്നാൽ വാരം അവസാനം ശത്രുക്കളുടെ ശല്യം വർദ്ധിക്കാനുള്ള സാധ്യതയും ഉണ്ട്. അനാവശ്യകൂട്ട് മൂലം അപവാദം കേൾക്കേണ്ടി വരും.വരവിൽ കവിഞ്ഞ ചെലവ് ധനക്ലേശം ഉണ്ടാക്കും. ജലദോഷം , പനി എന്നിവ വരുവാൻ സാധ്യത ഉണ്ട്.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം)
ഈ വാരം ലക്ഷ്യങ്ങൾ നേടാൻ കഠിനാധ്വാനം ചെയ്യേണ്ടി വരും. ആരോഗ്യ കാര്യങ്ങളിൽ വളരെയധികം ശ്രദ്ധിക്കേണ്ട സമയമാണിത്. പ്രത്യേകിച്ച് ആമാശയ സംബന്ധമായ അസുഖങ്ങൾ ഉള്ളവർ ഭക്ഷണ കാര്യത്തിൽ ഏറെ ശ്രദ്ധാലുക്കളായിരിക്കണം. ദഹനസംബന്ധമായ പ്രശ്നങ്ങൾ, അലർജി, വിഷബാധ തുടങ്ങിയ അസുഖങ്ങൾ ഉണ്ടാകാൻ സാധ്യതയുണ്ട്. ഏറ്റവും അടുപ്പമുള്ളവരിൽ നിന്നോ ബന്ധുക്കളിൽ നിന്നോ ചതിയോ വഞ്ചനയോ നേരിടാൻ സാധ്യതയുണ്ട്. എന്നാൽ ഈ വെല്ലുവിളികളെ മറികടക്കാൻ നിങ്ങൾക്ക് കഴിയും. എല്ലാ കാര്യങ്ങളിലും ശ്രദ്ധയും ക്ഷമയും പാലിക്കുക. ധൃതിയിൽ തീരുമാനങ്ങൾ എടുക്കരുത്. കേസ് വഴക്കിൽ പരാജയം ഉണ്ടാവാൻ ഇടയുണ്ട്. വാരം അവസാനം തൊഴിൽ രഹിതർക്ക് അർഹമായ തൊഴിൽ ലഭിക്കും.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം)
വാരത്തിന്റെ തുടക്കത്തിൽ മനസ്സിൽ അസ്വസ്ഥതയും ഉത്കണ്ഠയും അനുഭവപ്പെട്ടേക്കാം. ആരോഗ്യപരമായി സൂക്ഷിക്കണം, പ്രത്യേകിച്ച് ഉദര സംബന്ധമായ പ്രശ്നങ്ങൾ, അസിഡിറ്റി, ദഹനക്കേട് തുടങ്ങിയവ അലട്ടിയേക്കാം. ഈ സമയം ആരോഗ്യത്തിലും ഭക്ഷണത്തിലും ശ്രദ്ധിക്കണം. എരിവും പുളിയും കൂടുതലുള്ള ഭക്ഷണങ്ങൾ ഒഴിവാക്കി ദഹനത്തെ സഹായിക്കുന്ന ഭക്ഷണക്രമം സ്വീകരിക്കുന്നത് ഈ ആഴ്ചയിൽ ദുരിതങ്ങൾ കുറയ്ക്കും. നിയമപരമായ കുരുക്കുകളും ഈ വാരം ബാധിക്കാൻ സാധ്യതയുണ്ട്. നിലവിലുള്ള കേസുകളിൽ ജയിൽ ശിക്ഷ വരെ വിധിക്കപ്പെടാനുള്ള സാധ്യതയുണ്ട്. എന്നാൽ ഈ വാരം അവസാനം ഏറെ നാളായി കാത്തിരുന്ന തൊഴിൽ വിജയം, പ്രമോഷൻ അല്ലെങ്കിൽ പുതിയ ജോലി എന്നിവ ലഭിക്കുന്നതിന് ഈ സമയം അനുകൂലമാണ്.
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി)
ഈ ആഴ്ച ജാഗ്രതയും കരുതലും പുലർത്തിയാൽ സന്തോഷകരമായ കാര്യങ്ങൾ സംഭവിക്കും.ഭാര്യാഭർത്താക്കന്മാർ തമ്മിൽ സ്നേഹവും കരുതലും വർദ്ധിക്കുന്ന വാരം ആയിരിക്കും. പുതിയ വാഹനം, നവീന ഗൃഹം എന്നിവ ലഭിക്കും.സ്വന്തം ബിസിനസ്സ് നടത്തുന്നവർക്ക് ലാഭകരമായ പുതിയ കരാറുകൾ ഒപ്പുവയ്ക്കാനുള്ള അവസരങ്ങൾ ലഭിക്കുന്ന സമയമാണിത്. എന്നാൽ വാരം അവസാനം കോടതി വ്യവഹാരങ്ങൾ ഒഴിവാക്കുന്നതാണ് നല്ലത്. ഈ ആഴ്ചയിൽ സ്വത്തുമായി ബന്ധപ്പെട്ട കേസുകളിൽ പരാജയം നേരിടാനുള്ള സാധ്യതയുണ്ട്. യാത്രകൾ ഒഴിവാക്കുന്നതാണ് നല്ലത്. യാത്രകൾ അപകടങ്ങൾക്ക് കാരണമാകാം. ആരോഗ്യ കാര്യങ്ങളിൽ ശ്രദ്ധ ചെലുത്തിയില്ലെങ്കിൽ ഉദര പ്രശ്നം ഉണ്ടാവും.
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
