തിരുവനന്തപുരം: കാരക്കോണം മെഡിക്കൽ കോളജിൽ കർണാടക പൊലീസിന്റെ റെയ്ഡ്. ഡയറക്ടർ ബെനറ്റ് എബ്രഹാമിനെ തേടിയാണ് പൊലീസ് എത്തിയത്. എംബിബിഎസ് സീറ്റ് വാഗ്ദാനം ചെയ്ത് ഏഴരക്കോടി രൂപ തട്ടി എന്നതാണ് കേസ്. 2014ലെ ലോക്സഭാ തെരഞ്ഞെടുപ്പില്‍ തിരുവനന്തപുരം മണ്ഡലത്തിലെ സിപിഐ സ്ഥാനാര്‍ത്ഥിയായിരുന്നു ബെനറ്റ് എബ്രഹാം.
കർണാടക മല്ലേശ്വരം പൊലീസാണ് ബെനറ്റിനെതിരെ കേസ് രജിസ്റ്റർ ചെയ്തത്. പിന്നാലെ ഇയാൾ ഒളിവിൽ പോയി. കഴിഞ്ഞ ദിവസം കർണാടക ജില്ലാ കോടതി പ്രതിക്ക് ജാമ്യം നിഷേധിച്ചിരുന്നു.
തുടർന്നാണ് കോടതി ഉത്തരവുമായി പൊലീസ് കാരക്കോണം മെഡിക്കൽ കോളജിലെത്തിയത്. രണ്ടാം തവണയാണ് ബെനറ്റിനെ തേടി കർണ്ണാടക സംഘം എത്തുന്നത്. ബെനറ്റിന്റെ വീട്ടിലും പരിശോധന നടത്തുമെന്നാണ് വിവരം.
