മേടം രാശി (അശ്വതി, ഭരണി, കാർത്തിക ആദ്യ കാൽഭാഗം)
ഈ വാരം ഗുണദോഷ സമ്മിശ്രമായിരിക്കും. വാരത്തിന്റെ തുടക്കത്തിൽ പലതരത്തിലുള്ള സങ്കീർണമായ പ്രശ്നങ്ങളിൽ കൂടി കടന്നു പോകേണ്ടി വരും. ഭാര്യാ ഭർത്താക്കന്മാർ തമ്മിലും സഹോദരങ്ങൾ തമ്മിലും നിസ്സാരമായ കാര്യങ്ങൾക്ക് കലഹം ഉണ്ടാകും. രാത്രി കാലങ്ങളിൽ സഞ്ചരിക്കുമ്പോൾ ജാഗ്രത പാലിക്കുക, വിഷഭയം ഉണ്ടാകാൻ സാധ്യതയുണ്ട്. പ്രധാനപ്പെട്ട ഡോക്കുമെന്റുകളിൽ ഒപ്പിടുമ്പോൾ സൂക്ഷിക്കുക, ചതി വരാൻ സാധ്യതയുണ്ട്. ചിലർക്ക് കേസ് വഴക്കുകൾ പ്രതികൂലമാകുകയും ജയിലിൽ പോകാനുള്ള യോഗം വരെ ഉണ്ടാകാം. ശരീര സുഖഹാനി, ശരീരശോഷണം, എന്നിവയ്ക്ക് സാധ്യതയുണ്ട്. വാരം അവസാനം തൊഴിൽ വിജയം, ധനനേട്ടം, ദാമ്പത്യ ഐക്യം, ഭക്ഷണ സുഖം എന്നിവ ലഭിക്കും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം)
വാരത്തിന്റെ തുടക്കത്തിൽ മംഗളകരമായ കർമ്മങ്ങൾക്ക് സാക്ഷ്യം വഹിക്കേണ്ടി വരും. ദാമ്പത്യ ഐക്യം, ഭക്ഷണസുഖം, പ്രേമ പുരോഗതി, വാഹന ഭാഗ്യം തുടങ്ങിയവ ഉണ്ടാകും. എന്നാൽ വാരമധ്യത്തോടുകൂടി ഭക്ഷണകാര്യങ്ങളിൽ നിയന്ത്രണം പാലിച്ചില്ലെങ്കിൽ ഉദര സംബന്ധമായി പ്രശ്നങ്ങൾ രൂപപ്പെടും. അവനവന്റെതല്ലാത്ത കാരണത്താൽ സഹപ്രവർത്തകരുമായി കലഹം ഉണ്ടാകാൻ സാധ്യതയുണ്ട്. കൊളസ്ട്രോൾ, പ്രമേഹം മറ്റു രക്തസംബന്ധമായ അസുഖങ്ങൾ ഉള്ളവർ വിദഗ്ധമായ ചികിത്സ തേടുന്നത് നല്ലതായിരിക്കും.ആലോചനാ ശീലം ഇല്ലാതെ പെരുമാറുന്നതും അഹങ്കാരം കാണിക്കുന്നതും ഈ സമയം ദുരിതത്തിന് കാരണമാകും. വാരം അവസാനം പുതിയ തൊഴിലവസമോ ജോലിയിൽ സ്ഥാനക്കയറ്റമോ ലഭിക്കുകയോ ചെയ്യും.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം)
വാരത്തിന്റെ തുടക്കത്തിൽ സാമ്പത്തിക പുരോഗതി, തൊഴിൽ വിജയം, കീർത്തി, സർവ്വ കാര്യ വിജയം എന്നിവ അനുഭവത്തിൽ വരും. വളരെ കാലമായി കാണാതിരുന്ന സുഹൃത്തുക്കളയോ ബന്ധുക്കളെയോ കണ്ടുമുട്ടുവാനും അവരോടൊപ്പം പുണ്യ തീർത്ഥ സ്ഥലങ്ങളിലോ ഉല്ലാസയാത്രയിലോ പോകുവാനുള്ള അവസരം വന്നുചേരും. ബിസിനസ്സിൽ ഏർപ്പെട്ടിരിക്കുന്നവർക്ക് ചെയ്യുന്ന പ്രവർത്തനങ്ങൾ എല്ലാം ലാഭത്തിൽ ആയിത്തീരുന്ന സവിശേഷമായ യോഗമുണ്ടാകും. എന്നാൽ വാരത്തിന്റെ അവസാനം സ്ത്രീകൾ മൂലം ഇടപെടുന്ന വിഷയങ്ങളിൽ കേസ് വഴക്കുകൾ ഉണ്ടാവാൻ സാധ്യതയുണ്ട്. പരാശ്രയം ഉണ്ടാകേണ്ട അവസ്ഥ, കുടുംബം വിട്ട് മാറി നിൽക്കേണ്ട അവസ്ഥ, പങ്കാളിയുമായി അഭിപ്രായ വ്യത്യാസം എന്നിവ ഉണ്ടാകും.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം)
ഹൃദ്രോഗം, നേത്രരോഗം എന്നിവ ഉള്ളവർ വളരെയധികം ജാഗ്രത പാലിക്കേണ്ട സമയമാണ്. ഭാര്യ-ഭത്തൃ-സന്താന സുഖഹാനി ഉണ്ടാവാൻ ഇട നൽകും. അന്യദേശവാസം അനുഭവത്തിൽ വരുമെങ്കിലും ഒന്നിലും ഉയർച്ച ഉണ്ടാകാത്ത അവസ്ഥ ഉണ്ടാകും. അനാവശ്യമായ ചിന്തകൾ മനസ്സിന്റെ സമനില തെറ്റിക്കുന്ന അവസ്ഥ ഉണ്ടാവുകയും ദുസ്വപ്നങ്ങൾ കാണുന്ന സാഹചര്യം സംജാതമാവുകയും ചെയ്യും അതീവമായ പേടി ഉണ്ടാവുക, മനശക്തി കുറയുക, യാത്രക്ലേശം, യാത്രയിൽ ദുരിതം എന്നിവ വരുവാൻ സാധ്യതയുണ്ട്. വാരം മധ്യത്തോട് കൂടി ധനനേട്ടം, വ്യാപാര പുരോഗതി, ശത്രുഹാനി എന്നിവ ഉണ്ടാകും. എന്നാൽ വാരം അവസാനത്തോട് കൂടി ജലവുമായി ബന്ധപ്പെട്ട തൊഴിൽ ചെയ്യുന്നവർ വളരെയധികം സൂക്ഷിക്കേണ്ട സമയമാണ് അപകടങ്ങൾ ഉണ്ടാവാൻ സാധ്യതയുണ്ട്.
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
