ലക്നൗ: 14-കാരന് ഹൃദയാഘാതം മൂലം മരിച്ചു. സ്കൂളിൽ കായിക മത്സരത്തിനായി ഓട്ടം പരിശീലിക്കുന്നതിനിടയിലാണ് സംഭവം. ഉത്തർപ്രദേശിലെ അലിഗഢ് ജില്ലയിലാണ് സംഭവം. മോഹിത് ചൗധരി എന്ന കുട്ടിയാണ് മരിച്ചത്.
മറ്റ് കുട്ടികൾക്കൊപ്പം രണ്ട് റൗണ്ട് ആരോഗ്യവാനായി ഓടിയെങ്കിലും മൂന്നാം വട്ടം ഓടുന്നതിനിടെ കുഴഞ്ഞ് വീഴുകയായിരുന്നു. ഉടൻ തന്നെ ആശുപത്രിയിൽ പ്രവേശിപ്പിച്ചെങ്കിലും മരണത്തിന് കീഴടങ്ങുകയായിരുന്നു.
അടുത്തിടെ സമാന രീതിയിൽ 20-കാരി മരിച്ചിരുന്നു. ഓടുന്നതിനിടെ ഹൃദയാഘാതം സംഭവിക്കുകയായിരുന്നു. കളിക്കുന്നതിനിടെ എട്ടുവയസുകാരിയും ഹൃദയാഘാതത്തെ തുടർന്ന് മരിച്ചിരുന്നു. യുവാക്കൾക്ക് പുറമേ കുട്ടികളിലെയും ഹൃദയാഘാതവും മരണവും കൂടുകയാണെന്നത് ആശങ്ക വർദ്ധിപ്പിക്കുന്നു.
