ന്യൂഡൽഹി: ഇന്ത്യയും ശ്രീലങ്കയും തമ്മിൽ പ്രതിരോധ സഹകരണത്തിന് ധാരണ. ഇരുരാജ്യങ്ങൾക്കുമിടയിൽ ഫെറി സർവീസ് തുടങ്ങുമെന്നും 250 ശ്രീലങ്കൻ വിദ്യാർത്ഥികൾക്ക് കൂടി ഇന്ത്യ സ്‌കോളർഷിപ്പ് നൽകുമെന്നും പ്രധാനമന്ത്രി നരേന്ദ്രമോദി അറിയിച്ചു. ശ്രീലങ്കൻ പ്രസിഡന്റ് അനുര കുമാര ദിസനായകെയുമായി കൂടിക്കാഴ്ച നടത്തിയ ശേഷം ഇരുനേതാക്കളും സംയുക്തമായി മാദ്ധ്യമങ്ങളെ കാണുകയായിരുന്നു.
” ഇതുവരെ 5 ബില്യൺ ഡോളറിന്റെ സഹായങ്ങൾ ശ്രീലങ്കയ്‌ക്ക് നൽകിയിട്ടുണ്ട്. ശ്രീലങ്കയിലെ 25 ജില്ലകളുമായും ഇന്ത്യ അടുത്ത ബന്ധം പുലർത്തുന്നു. അയൽരാജ്യങ്ങളുടെ വികസനത്തിനും പുരോഗതിക്കും മുൻഗണന നൽകുന്നതാണ് ഇന്ത്യയുടെ രീതി. മഹോ- അനുരാധപുര റെയിൽവേ സിംഗ്നലിംഗ് സംവിധാനത്തിന്റെയും കാങ്കസന്തുറെ തുറമുഖത്തിന്റെയും പുനരുദ്ധാരണ പദ്ധതികൾക്ക് ഇന്ത്യ സഹായം നൽകും. 200-250 ശ്രീലങ്കൻ വിദ്യാർത്ഥികൾക്ക് സ്‌കോളർഷിപ്പും നൽകും.”- പ്രധാനമന്ത്രി പറഞ്ഞു.
MEA tweets, “A new milestone in the India- Sri Lanka partnership. Wide-ranging discussions held between the delegations of India and Sri Lanka led by PM Narendra Modi and President Anura Kumara Dissanayake respectively. Both sides reviewed the comprehensive India-Sri Lanka… pic.twitter.com/7qSre0wBa5
— ANI (@ANI) December 16, 2024
പാർപ്പിടം, പുനരുപയോഗ ഊർജം, കൃഷി, ക്ഷീരവികസനം, മത്സ്യബന്ധനം, അടിസ്ഥാന സൗകര്യങ്ങൾ തുടങ്ങിയ മേഖലകളിലുള്ള ഇന്ത്യയുടെ പങ്കാളിത്തവും പ്രധാനമന്ത്രി ചൂണ്ടിക്കാട്ടി. അടുത്ത 5 വർഷത്തിനുള്ളിൽ ശ്രീലങ്കയിൽ നിന്നുള്ള 1,500 സർക്കാർ ജീവനക്കാർക്ക് ഇന്ത്യ പരിശീലനം നൽകും.
ശ്രീലങ്കയുമായുള്ള സഹകരണം വർദ്ധിപ്പിക്കാൻ ഇന്ത്യ എക്കാലവും ശ്രമിക്കും. അയൽരാജ്യം ആദ്യം എന്ന നയമാണ് ഇന്ത്യ പിന്തുടരുന്നതെന്നും പ്രധാനമന്ത്രി പറഞ്ഞു. അതേസമയം ശ്രീലങ്കയിൽ ഇന്ത്യാ വിരുദ്ധ നടപടികൾ അനുവദിക്കില്ലെന്ന് ശ്രീലങ്കൻ പ്രസിഡന്റ് അനുര കുമാര ദിസനായകെ ഉറപ്പു നൽകി.
മൂന്ന് ദിവസത്തെ സന്ദർശനത്തിനായാണ് അദ്ദേഹം ഇന്ത്യയിലെത്തിയത്. സെപ്തംബറിൽ ശ്രീലങ്കൻ പ്രസിഡന്റായി അധികാരമേറ്റതിന് ശേഷം ദിസനായകെ നടത്തുന്ന ആദ്യ വിദേശ സന്ദർശനമാണിത്. വിദേശകാര്യമന്ത്രി എസ് ജയശങ്കറിന്റെ ക്ഷണപ്രകാരമാണ് അദ്ദേഹം ഇന്ത്യയിലെത്തിയത്.
