തനിക്കെതിരെ നടക്കുന്ന സൈബർ ആക്രമണത്തിനെതിരെ പ്രതികരിച്ച് നടൻ ബാലയുടെ മുൻപങ്കാളി ഡോ. എലിസബത്ത് ഉദയൻ. സ്വന്തം യൂട്യൂബ് ചാനലിലൂടെയാണ് എലിസബത്തിന്റെ മറുപടി. നെഗറ്റീവ് കമന്റുകൾ കൊണ്ട് തന്നെ തളർത്താമെന്ന് നോക്കെണ്ടെന്നും എലിസബത്ത് പറയുന്നു.
‘‘എനിക്ക് ഓട്ടിസമാണെന്ന് തരത്തിൽ നിരവധി കമന്റുകൾ കണ്ടു. അതൊരു അസുഖമാണ്. പക്ഷേ അത് ഇല്ലാത്തവർക്ക് ഉണ്ടെന്ന് പറഞ്ഞ് പരത്തരുത്. പിന്നെ എനിക്ക് കുട്ടികൾ ഉണ്ടാകില്ലെന്ന് പറഞ്ഞുള്ള കമന്റുകളും വരുന്നുണ്ട്. കുട്ടികൾ ഇല്ലാത്ത ധാരാളം പേരുണ്ട്. അതും നെഗറ്റീവല്ല. പക്ഷെ തെളിവുകളും റിപ്പോർട്ടുകളും ഇല്ലാതെ പറഞ്ഞ് പരത്തുന്നത് നല്ലതാണോയെന്ന് അറിയില്ല.
നിങ്ങൾ എത്ര നെഗറ്റീവ് അടിച്ചാലും ഞാൻ ഇനിയും വീഡിയോസ് ഇടും. മാക്സിമം നാണം കെട്ടും ആ മോശപ്പെട്ടുമാണ് പിടിച്ചുപിടിച്ച് വരുന്നത്. ഇഷ്ടപ്പെട്ട ആളുകളില് നിന്നു തന്നെ ബോഡിഷെയ്മിംഗ് അനുഭവിച്ചിട്ടുണ്ട്. അതുകൊണ്ട് ഫെയ്ക്ക് ഐഡികളിൽ നിന്നും വന്ന് എന്നെ തളർത്താനോ നാണം കെടുത്താനോ നോക്കേണ്ട. അതൊക്കെ എനിക്കുപോയി. വീഡിയോ നിർത്താമെന്നും വിചാരിക്കണ്ട. പേടിപ്പിച്ച് വീട്ടിൽ ഇരുത്താം ഇരുത്താം എന്നും കരുതണ്ട.
ഞാൻ ആരെയും ഉപദ്രവിക്കാൻ ഒന്നും പോകുന്നില്ല. എന്റെ കാര്യം നോക്കി ഞാൻ ഇവിടെ കഴിയുകയാണ്. ഏറ്റവും മോശമായ അവസ്ഥ അതിജീവിച്ചുകൊണ്ടാണ് ഇവിടെ വരെ കേറി വന്നത്. ഇനിയും ഇതുപോലെ മുമ്പോട്ട് പോകുമെന്നും–എലിസബത്ത് പറഞ്ഞു.
