മേടം രാശി (അശ്വതി, ഭരണി, കാർത്തിക ആദ്യ കാൽഭാഗം)
ചിലർക്ക് വിദ്യാപുരോഗതി-തൊഴിൽ വിജയം ഉണ്ടാകും എന്നാൽ ചിലർക്ക് സർക്കാർ സംബന്ധമായ ദോഷാനുഭവങ്ങൾ, ധനഹാനി, ശത്രുക്കളെ കൊണ്ട് ഉപദ്രവം എന്നിവ ഉണ്ടാകും.
ഇടവം രാശി (കാർത്തിക അവസാന മുക്കാൽ ഭാഗം, രോഹിണി, മകയിര്യം ആദ്യ പകുതിഭാഗം)
എല്ലാ കാര്യങ്ങളിലും തടസ്സം അനുഭവപ്പെടും. വിവാഹ തടസ്സം അല്ലെങ്കിൽ വിവാഹം മാറിപ്പോകുക, ധനക്ലേശം, അന്യ ജനങ്ങളിൽ നിന്നും ദോഷാനുഭവങ്ങൾ എന്നിവ ഉണ്ടാകും.
മിഥുനം രാശി (മകയിര്യം അവസാന പകുതിഭാഗം, തിരുവാതിര, പുണർതം ആദ്യ മുക്കാൽഭാഗം)
കുടുംബത്തിൽ മംഗളകരമായ കർമ്മങ്ങൾ നടക്കുക, ഉയർന്ന പദവി ലഭിക്കുവാനുള്ള ഭാഗ്യം, ധനനേട്ടം, തൊഴിൽ വിജയം, എവിടെയും മാന്യത എന്നിവ ഉണ്ടാകും.
കർക്കിടകം രാശി (പുണർതം അവസാന കാൽഭാഗം, പൂയം, ആയില്യം)
അഗ്നി-ആയുധം എന്നിവ കൈകാര്യം ചെയ്യുന്നവർ വളരെ അധികം ജാഗ്രത പാലിച്ചില്ലെങ്കിൽ അപകടങ്ങൾ ഉണ്ടാവാൻ ഇടയുണ്ട്. കുടുംബത്തിൽ അസ്വാരസ്യം ഉണ്ടാവും.
ചിങ്ങം രാശി (മകം, പൂരം, ഉത്രം ആദ്യ കാൽഭാഗം)
സത്സുഹൃത്തുക്കളേ ലഭിക്കുക, കുടുംബ ബന്ധുജനങ്ങളിൽ നിന്നും അപ്രതീക്ഷിതമായ സാമ്പത്തിക സഹായം, ദാമ്പത്യഐക്യം, ഭക്ഷണ സുഖം, ബന്ധു ജന സമാഗമം എന്നിവ ഉണ്ടാകും
കന്നി രാശി (ഉത്രം അവസാന മുക്കാൽഭാഗം, അത്തം, ചിത്തിര ആദ്യ പകുതിഭാഗം)
അമിതമായ ആഡംബരം വരവിനേക്കാൾ ചെലവുണ്ടാകും. അനാവശ്യ ചെലവുകൾ സാമ്പത്തിക ഞെരുക്കം അനുഭവപ്പെടുവാൻ ഇടയാക്കും. രോഗാദി ദുരിതം ഉണ്ടാവാൻ ഇടയുണ്ട്.
തുലാം രാശി (ചിത്തിര അവസാന പകുതിഭാഗം, ചോതി, വിശാഖം ആദ്യ മുക്കാൽഭാഗം)
തൊഴിൽ വിജയം, ഉന്നത സ്ഥാന പ്രാപ്തി, സർക്കാരിൽ നിന്നും ഗുണാനുഭവങ്ങൾ, കീർത്തി എന്നിവ ലഭിക്കും. കുടുംബത്തിൽ മംഗളകരമായ കർമ്മങ്ങളിൽ മുഖ്യ പങ്ക് വഹിക്കുവാൻ അവസരം ലഭിക്കും.
വൃശ്ചികം രാശി (വിശാഖം അവസാന കാൽഭാഗം, അനിഴം, തൃക്കേട്ട)
തൊഴിൽ അന്വേഷിക്കുന്ന യുവതീയുവാക്കൾക്ക് അർഹമായ തൊഴിൽ ഇടങ്ങളിൽ ജോലി കിട്ടുവാൻ യോഗമുണ്ട്. നിനച്ചിരിക്കാത്ത നേരത്തു ഭാഗ്യാനുഭവങ്ങൾ തേടി വരും
ധനു രാശി (മൂലം, പൂരാടം, ഉത്രാടം ആദ്യ കാൽഭാഗം)
ജീവിത പങ്കാളിയുമായും സുഹൃത്തുക്കളുമായും വിദേശത്തു ടൂർ പോകാനുള്ള അവസരം ലഭിക്കും. രാഷ്ട്രീയത്തിൽ പ്രവർത്തിക്കുന്നവർക്ക് കീർത്തി ലഭിക്കുന്ന പ്രവർത്തനങ്ങൾ കാഴ്ചവെയ്ക്കുവാൻ സാധിക്കും.
മകരം രാശി (ഉത്രാടം അവസാന മുക്കാൽഭാഗം, തിരുവോണം, അവിട്ടം ആദ്യ പകുതിഭാഗം)
കോടതി കേസുകളിൽ അനുകൂലമായ വിധി ഉണ്ടാകും. കുടുംബത്തിൽ മംഗളകരമായ കർമ്മങ്ങൾക്ക് സാക്ഷ്യം വഹിക്കും. എന്നാൽ ചിലർക്ക് ബന്ധുജനങ്ങളുമായിട്ട് കലഹം ഉണ്ടാവാൻ ഇടയുണ്ട്.
കുംഭം രാശി (അവിട്ടം അവസാന പകുതിഭാഗം, ചതയം, പൂരൂരുട്ടാതി ആദ്യ മുക്കാൽഭാഗം)
പ്രേമ കാര്യങ്ങളിൽ കുടുംബജനങ്ങളിൽ നിന്നും അനുകൂലമായ നിലപാട് ഉണ്ടാകും. പുതിയ വാഹനം, വീട് എന്നിവ സ്വന്തമാക്കുവാൻ ഉള്ള അവസരം വന്നുചേരും .
മീനം രാശി (പൂരൂരുട്ടാതി അവസാന കാൽഭാഗം, ഉതൃട്ടാതി, രേവതി)
സുഹൃത്തുക്കൾ മൂലം ഗുണാനുഭവങ്ങൾ , ചിലർ പുതിയ പ്രവർത്തനങ്ങൾ ആരംഭിക്കുന്ന കാലഘട്ടവും കൂടിയാണ് ലോട്ടറി , ചിട്ടി തുടങ്ങിയവയിൽ ഭാഗ്യം തെളിയും.
ജയറാണി ഈ വി.
WhatsApp No : 9746812212
(പാരമ്പര്യ ജ്യോതിഷ കുടുംബത്തിലെ അംഗം . ഇരുപതിലേറെ വർഷമായി ജ്യോതിഷം സംഖ്യാശാസ്ത്രം വാസ്തു ആചാര അനുഷ്ഠാന വിഷയങ്ങൾ കൈകാര്യം ചെയ്യുന്നു)
