സച്ചിൻ ടെണ്ടുൽക്കർ ഏതെങ്കിലും ക്രിക്കറ്റ് താരത്തെ പുകഴ്ത്തിയാൽ അവരിൽ എന്തെങ്കിലും പ്രത്യേകത ഉണ്ടായിരിക്കണം. ഏതെങ്കിലും വളർന്നുവരുന്ന ക്രിക്കറ്റ് താരത്തെ കുറിച്ച് അദ്ദേഹം പറഞ്ഞാൽ ആ താരത്തിന്റെ തലവര തന്നെ മാറിയേക്കാം.
രാജസ്ഥാനിൽ നിന്നുള്ള 12 വയസുകാരി സുശീല മീണയുടെ വീഡിയോയാണ് സച്ചിൻ അടുത്തിടെ ഷെയർ ചെയ്തത് .കഴിഞ്ഞ കുറച്ച് ദിവസങ്ങളായി സുശീലയുടെ ബൗളിംഗ് വീഡിയോ സോഷ്യൽ മീഡിയയിൽ വൈറലായിരുന്നു. ഗ്രാമത്തിലെ ഒരു ചെറിയ ഗ്രൗണ്ടിൽ ബൗളീംഗ് ചെയ്യുന്ന സുശീലയുടെ ദൃശ്യങ്ങളാണ് പുറത്ത് വന്നത് .
വീഡിയോയിൽ, സുശീല ബൗൾ ചെയ്യുന്നത് മുൻ ഇന്ത്യൻ ഫാസ്റ്റ് ബൗളർ സഹീർ ഖാനെ അനുസ്മരിപ്പിക്കുന്നുവെന്നാണ് സച്ചിൻ പറയുന്നത്. സഹീർ ഖാനും ഈ വീഡിയോ ഷെയർ ചെയ്തിരുന്നു.
സച്ചിന്റെ പോസ്റ്റിന് പിന്നാലെ രാജ്യത്തെ ഏറ്റവും വലിയ വ്യവസായ സ്ഥാപനങ്ങളിലൊന്നായ ആദിത്യ ബിർള ഗ്രൂപ്പ് സുശീലയ്ക്ക് സഹായവാഗ്ദാനവുമായി രംഗത്തെത്തി. തങ്ങളുടെ ‘ഫോഴ്സ് ഫോർ ഗുഡ്’ സംരംഭത്തിന് കീഴിൽ, സുശീലയ്ക്ക് ക്രിക്കറ്റ് പരിശീലനം നൽകാൻ ആഗ്രഹിക്കുന്നുവെന്നാണ് കുമാർ മംഗലം ബിർള കമ്പനി ഔദ്യോഗിക ‘എക്സ്’ ഹാൻഡിലിൽ കുറിച്ചിരിക്കുന്നത് .
Smooth, effortless, and lovely to watch! Sushila Meena’s bowling action has shades of you, @ImZaheer.
Do you see it too? pic.twitter.com/yzfhntwXux— Sachin Tendulkar (@sachin_rt) December 20, 2024
