പ്രഭാസ്-പൃഥ്വിരാജ് കോംബോയിലെത്തിയ പ്രശാന്ത് നീൽ ചിത്രമായിരുന്നു സലാർ ഭാഗം ഒന്ന്. കെ.ജി.എഫ് 2വിന്റെ വിജയത്തിന് ശേഷമാണ് പ്രശാന്ത് നീൽ സലാറുമായെത്തിയത്. എന്നാൽ സമ്മിശ്ര പ്രതികരണമാണ് ചിത്രത്തിന് ലഭിച്ചത്. ബോക്സോഫീസിലും പ്രതീക്ഷിച്ച നേട്ടമുണ്ടാക്കാൻ ചിത്രത്തിന് സാധിച്ചില്ല. ഇക്കാര്യം തുറന്നു സമ്മതിച്ചിരിക്കുകയാണ് സംവിധായകൻ പ്രശാന്ത് നീൽ.
സലാറിൽ ഞാൻ പൂർണ സന്തോഷവാനല്ല. ചെറിയൊരു നിരാശയുണ്ട്, എത്രമാത്രം ആ സിനിമയ്ക്ക് വേണ്ടി പരിശ്രമിച്ചു എന്നതിൽ. സലാർ 2 എന്റെ ഏറ്റവും മികച്ച ചിത്രങ്ങളിൽ ഒന്നാക്കാൻ ഞാൻ തീരുമാനിച്ചു. എന്റെ എഴുത്തുകളിലെ മികച്ച വർക്കായിരിക്കും ഇത്. എനിക്ക് സങ്കൽപ്പിക്കാൻ കഴിയുന്നതിലുമധികം, പ്രേക്ഷകർ ഇപ്പോൾ ചിന്തിക്കുന്നതിലും കൂടുതലുള്ള ഒരു സിനിമ ചെയ്യണമെന്നാണ് ഞാൻ വിചാരിക്കുന്നത്.
ഈ ആത്മവിശ്വാസം ഏന്റെ ജീവിതത്തിലെ കുറച്ചു കാര്യങ്ങളിൽ മാത്രമേ പ്രകടിപ്പിച്ചിട്ടുള്ളു. സലാർ 2 എന്റെ മികച്ച സൃഷ്ടികളിൽ ഒന്നാകും,’ —- പ്രശാന്ത് നീൽ പറഞ്ഞു.ആഗോള ബോക്സ് ഓഫീസിൽ 615.26 കോടി രൂപയാണ് സലാർ നേടിയത്. ഏറ്റവും പുതിയ അപ്ഡേറ്റിനെ പ്രകാരം, പ്രഭാസ് ചിത്രത്തിന്റെ രണ്ടാം ഭാഗത്തിന്റെ ചിത്രീകരണം ആരംഭിച്ചു, സലാർ: ഭാഗം 2 – ശൗര്യംഗ പർവ്വം എന്നാണ് ചിത്രത്തിന്റെ പേര്.
