സംഭാലിൽ ‘മൃത്യുകൂപം’ കണ്ടെത്തി; പാപങ്ങൾ കഴുകി കളയുന്ന പുണ്യ കിണർ‌; എട്ടടി ആഴമുള്ള കിണറ്റിൽ നൂറ്റാണ്ടുകൾക്കിപ്പുറവും ജലത്തിന്റെ സാന്നിധ്യം 

ലക്നൗ: സംഭാലിൽ ‘മൃത്യുകൂപം’ കണ്ടെത്തി. പാപങ്ങൾ കഴുകി കളയാൻ ശേഷിയുള്ള മരണക്കിണറാണ് കണ്ടെത്തിയിരിക്കുന്നത്. എട്ടടി ആഴമുള്ളതാണ് കണ്ടെത്തിയ കിണർ‌. തർക്കം നിലനിൽക്കുന്ന ഷാഹി ജുമാ മസ്ജിദിൽ നിന്ന് 300 മീറ്റർ അകലെ മാത്രമാണ് മൃത്യുകൂപം കണ്ടെത്തിയത്.

അതിപുരാതന മൃത്യകൂപമാണ് കണ്ടെത്തിയതെന്ന് പ്രദേശവാസികൾ പറഞ്ഞു. ഇത് ഉൾപ്പടെ 19 വിശുദ്ധ കിണറുകളാണ് സംഭാലിൽ കണ്ടെത്തിയത്. മൃത്യുകൂപം വീണ്ടും ശുചിയാക്കി കിണറാക്കി മാറ്റി. ബ്രഹ്മാവ് സൃഷ്ടിച്ച 19 കിണറുകളിൽ ഒന്നാണ് ഇതെന്നാണ് വിശ്വാസം.

ഇതിന് 150 യാർഡ് അകലെ യമാ​ഗ്നി കൂപം എന്ന കിണറും കണ്ടെത്തിയിട്ടുണ്ട്. കോടിപൂർവ്വ പ്രദേശത്ത് മുൻസിഫ് കെട്ടിടത്തിനടുത്തായി വിമൽ കൂപം എന്നൊരു കിണറും കണ്ടെത്തി. സംഭാൽ മുൻസിപ്പാലിറ്റി അധികൃതരാണ് കിണറുകൾ കണ്ടെത്തിയത്. കോൺക്രീറ്റ് പാളികൾ ഉപയോ​ഗിച്ചായിരുന്നു കിണറുകൾ മൂടിയിരുന്നത്.

BIG BREAKING NEWS 🚨 Yogi Adityanath Administration revives MYSTERIOUS ‘Mrityu Koop’ which is mentioned in ancient sculptures.

This ancient well has been found just 300 meters away from the Jama Masjid in Sambhal

According to the ancient books, Mrityu Koop can destroy… pic.twitter.com/da43OP6yty

— Times Algebra (@TimesAlgebraIND) December 27, 2024

മൃത്യകൂപത്തിലെ കിണറ്റിലെ വെള്ളിൽ കുളിച്ചാൽ ശിവൻ തൃപ്തനാകുമെന്നും പാപങ്ങൾ ഇല്ലാതാകുമെന്നുമാണ് വിശ്വാസം. നൂറ്റാണ്ടുകൾക്കിപ്പുറം കണ്ടെത്തിയ കിണറ്റിൽ വെള്ളം കണ്ടെത്തിയത് അത്ഭുതമെന്ന് ഖനനം നടത്തി അധിക‍ൃതർ പറഞ്ഞു. പ്രദേശത്ത് ഖനനം പുരോ​ഗമിക്കുകയാണ്.