ഈ കിവി പറക്കും..! നല്ല ഒന്നാന്തരമായി; വാട്ട് എ ക്യാച്ച് മിസ്റ്റർ

കിവി പക്ഷികൾ പറക്കാറില്ല.. എന്നാൽ കിവീസ് താരങ്ങൾ പറക്കും..നല്ല ഒന്നാന്തരമായി. കിവീസ് താരത്തിന്റെ ഈ പറക്കും ക്യാച്ച് കണ്ടാൽ ആരും ഒന്നും വാ പൊളിക്കും. കാരണം അക്ഷരാർത്ഥത്തിൽ പറന്ന് തന്നെയായിരുന്നു നഥാൻ സ്മിത്ത് ബൗണ്ടറിയിൽ പന്ത് കൈകളിലാക്കിയത്. ഹാമിൽട്ടണിൽ ശ്രീലങ്കയ്‌ക്കെതിരെ നടന്ന രണ്ടാം ഏക​​​ദിനത്തിലാണ് പറക്കും ക്യാച്ച്. വാലറ്റക്കാരൻ ഈശൻ മലിം​ഗയെ പുറത്താക്കാനായിരുന്നു ക്യാച്ച്.

29-ാം ഓവറിലായിരുന്നു സംഭവം. വില്‍ ഒറൂര്‍ക്കിന്റെ ഓഫ് സ്റ്റമ്പിന് പുറത്തുവന്ന പന്തിൽ ഈശന്റെ ഒരു റാമ്പ് ഷോട്ട് ശ്രമമാണ് തേർഡ്മാനിൽ അത്യു​ഗ്രൻ ക്യാച്ചിൽ അവസാനിച്ചത്. 10 മിറ്ററിലേറെ ദൂരം ഓടിയാണ് സ്മിത്ത് ക്യാച്ച് പറന്നെടുത്തത്. ഇതിന്റെ വീഡിയോ സോഷ്യൽ മീഡിയയിൽ ട്രെൻഡിം​ഗിലായി. കിവി താരത്തിന് ഏറെ പ്രശംസകൾ ലഭിക്കുന്നത്. അതേസമയം മഴമൂലം ഓവർ വെട്ടിച്ചുരുക്കിയ മത്സരത്തിൽ ന്യൂസിലൻഡ് ആധികാരികമായി വിജയിച്ചു. മഹീഷ് തീക്ഷണയുടെ ഹാട്രിക്കിനും ന്യൂസിലൻഡിനെ വീഴ്‌ത്താനായില്ല.

Nathan Smith! A screamer on the Seddon Park boundary to dismiss Eshan Malinga 🔥 #NZvSL #CricketNation pic.twitter.com/sQKm8aS07F

— BLACKCAPS (@BLACKCAPS) January 8, 2025