മാന്നാർ : റിപ്പബ്ളിക് ദിനത്തോടനുബന്ധിച്ച് ഉള്ള സൈനിക ബഹുമതി പ്രഖ്യാപനത്തിൽ രാഷ്ട്രപതിയുടെ അതി വിശിഷ്ട സേവാ മെഡലിന് എയർ വൈസ് മാർഷൽ (റിട്ട) പി കെ ശ്രീകുമാർ അർഹനായി. മാന്നാർ പടിപ്പുരയ്ക്കൽ സ്വദേശിയാണ്.
2015 ൽ രാഷ്ട്രപതിയുടെ വിശിഷ്ട സേവാമെഡലിനും അർഹനായിരുന്നു. മാന്നാർ കുരട്ടിശ്ശേരി പടിപ്പുരയ്ക്കൽ തെക്കേതിൽ ശ്രീകുമാർ 1988 സെപ്റ്റംബർ 12-നാണ് എയർഫോഴ്സിൽ എൻജിനീയറായി പ്രവേശിച്ചത്.36 വർഷത്തെ സേവനത്തിനു ശേഷം അസിസ്റ്റന്റ് ചീഫ് ഓഫ് എയർ സ്റ്റാഫ് തസ്തികയിലിരിക്കെ കഴിഞ്ഞ വർഷമാണ് സർവീസിൽ നിന്ന് വിരമിച്ചത്. ടി ആർ ശ്രീലതയാണ് ഭാര്യ. മകൻ എസ് ഗൗരീശങ്കർ.
