കൊച്ചി: മേരിക്കുണ്ടൊരു കുഞ്ഞാട് എന്ന ചിത്രത്തിൽ ബാലതാരമായി അഭിനയിച്ച നികിതാ നയ്യാര് (21) അന്തരിച്ചു. വിൽസൺസ് ഡിസീസ് എന്ന അപൂർവ രോഗബാധിതയായിരുന്നു.
ബി.എസ്.സി സൈക്കോളജി വിദ്യാര്ഥിനിയായിരുന്ന നികിത സെയിന്റ് തെരേസാസ് കോളജ് മുന് ചെയര്പേഴ്സണായിരുന്നു. ചികിത്സയിലിരിക്കേയായിരുന്നു അന്ത്യം. രണ്ട് വട്ടം കരൾ മാറ്റിവെക്കൽ ശസ്ത്രക്രിയയ്ക്ക് വിധേയയായിട്ടുണ്ട്. ഒരാഴ്ച മുൻപായിരുന്നു രണ്ടാമത്തെ ശസ്ത്രക്രിയ നടന്നത്.
അമ്മ: നമിതാ മാധവന്കുട്ടി (കപ്പാ ടി.വി). പിതാവ്: ഡോണി തോമസ് (യു.എസ്.എ.). തിങ്കളാഴ്ച രാവിലെ എട്ട് മുതല് ഇടപ്പള്ളി നേതാജി നഗറിലെ വീട്ടില് പൊതുദര്ശനം നടക്കും. തുടര്ന്ന് സംസ്കാരം കൊച്ചിയിൽ.
