ഇവിടെ എല്ലാം ഫുൾ ഫിറ്റും സെറ്റും! ഇനി ഫിറ്റാക്കേണ്ടത് അവിടെ ​ഗ്രൗണ്ടിൽ

ഇം​ഗ്ലണ്ടിനെതിരായ ഏകദിന പരമ്പരയ്‌ക്ക് ഒരുങ്ങുന്ന ഇന്ത്യൻ ടീമിന്റെ പരിശീലമെല്ലാം ഫുൾ സ്വിം​ഗിലാണ്. നാ​ഗ്പൂരിൽ പരിശീലനത്തിലുള്ള വിരാടിന്റെ ചില ചിത്രങ്ങൾ സോഷ്യൽ മീഡിയയിൽ വൈറലായി. ഇന്ത്യൻ ടീമിലെ ഏറ്റവും വലിയ ഫിറ്റ്നസ് ഫ്രീക്ക് ആരാണെന്ന ചോ​ദ്യത്തിന് ഉത്തരമാണ് ഈ ചിത്രങ്ങൾ. സിക്സ് പാക്കും ബൈസപ്പ്സുമൊക്കെയായി കൂടുതൽ ഫിറ്റായ കോലിയെയാണ് ചിത്രങ്ങളിൽ കാണാനാകുന്നത്.

നാളെയാണ് ഏകദിന പരമ്പരയിലെ ആദ്യ മത്സരം നടക്കുന്നത്.ചാമ്പ്യൻസ് ട്രോഫിക്ക് ഒരുങ്ങുന്ന ഇന്ത്യൻ ടീമിന് ഈ പരമ്പര വളരെ നിർണായകമാണ്. മുതിർന്ന താരങ്ങളൊക്കെയും ഫോമിലേക്ക് വരേണ്ടതുണ്ട്. ഫോം വീണ്ടെടുക്കാൻ രഞ്ജി കളിക്കാൻ വിരാടും രോ​​ഹിത്തും ഉൾപ്പടെയുള്ളവർ പോയിരുന്നെങ്കിലും നിരാശയായിരുന്നു ഫലം.

കോലിക്ക് ഇനി 96 റൺസ് നേടിയാൽ കരിയറിൽ മറ്റൊരു നാഴിക കല്ല് പിന്നിടാം. സച്ചിൻ ടെഡുൽക്കറിനും കുമാർ സം​ഗക്കാരയ്‌ക്കും ശേഷം എകദിനത്തിൽ 14,000 റൺസ് നേടുന്ന മൂന്നാമത്തെ താരമാകും കോലി. ഏറ്റവും വേ​ഗത്തിൽ നേട്ടത്തിലെത്തുന്ന ആദ്യ താരമാകാനും കോലിക്ക് സാധിക്കും.

Okay Mr Kohli ?? Now we wait for a certain fc to cry again 💪🏻 pic.twitter.com/yOO6xa5GVg

— Yashvi (@BreatheKohli) February 4, 2025