കോഴിക്കോട്: താമരശേരിയിൽ വഴിയോര വിശ്രമകേന്ദ്രത്തിന് നേരെ ഗുണ്ടാ ആക്രമണം. ചെക്ക് പോസ്റ്റിന് സമീപമുള്ള ടേക്ക് എ ബ്രേക്കിനോട് ചേർന്ന് പ്രവർത്തിക്കുന്ന കോഫി ഷോപ്പിലാണ് അക്രമം നടന്നത്.
ഇന്നലെ അർദ്ധരാത്രിയാണ് സംഭവം. കടയിലെത്തിയ 5 അംഗ സംഘമാണ് ഹോട്ടൽ ഉടമയെയും ജീവനക്കാരെയും മർദിച്ചത്. ബ്രോസ്റ്റഡ് ചിക്കൻ തീർന്ന് പോയെന്ന് ആരോപിച്ചായിരുന്നു അതിക്രമം. മർദനത്തിൽ വിമുക്ത ഭടൻ കൂടിയായ കടയുടമ സൈയിദിന്റെ കഴുത്തിനും കൈയ്‌ക്കും പരിക്കേറ്റിട്ടുണ്ട്. സംഭവവുമായി ബന്ധപ്പെട്ട് രണ്ട് പേരെ താമരശേരി പൊലീസ് കസ്റ്റഡിയിലെടുത്തു.
