തിരുവനന്തപുരം: വെഞ്ഞാറമൂട് കൂട്ടക്കൊലക്കേസിൾ ആശുപത്രിയിൽ കഴിയുന്ന പ്രതി അഫാനെ ഇന്ന് ജയിലിലേക്ക് മാറ്റും. അഫാന്റെ ആരോഗ്യസ്ഥിതി മെച്ചപ്പെട്ടതിതെ തുടർന്ന് ഡോക്ടർമാരുടെ സമ്മത പ്രകാരമാണ് ആശുപത്രിയിൽ നിന്ന് ജയിലിലേക്ക് മാറ്റുന്നത്. മജിസ്ട്രേറ്റ് ആശുപത്രിയിലെത്തി പ്രതിയെ നേരത്തെ തന്നെ റിമാന്ഡ് ചെയ്തിരുന്നു.
മുത്തശ്ശി സൽമബീവിയെ കൊലപ്പെടുത്തിയ സംഭവത്തില് പാങ്ങോട് പൊലീസ് രജിസ്റ്റര് ചെയ്ത കേസിലാണ് ഇതുവരെ അറസ്റ്റ് രേഖപ്പെടുത്തിയത്. മറ്റ് നാലുപേരെ കൊലപ്പെടുത്തിയതിലും അമ്മയെ കൊലപ്പെടുത്താന് ശ്രമിച്ച കേസിലും വെഞ്ഞാറമൂട് പൊലീസ് ആണ് കേസെടുത്തത്. ഈ കേസുകളില് അഫാന്റെ അറസ്റ്റ് ഇതുവരെ രേഖപ്പെടുത്തിയിട്ടില്ല.
സൈക്കോളജിസ്റ്റുകളുടെ സാന്നിധ്യത്തില് അഫാന്റെ മാനസിക നില പഠിച്ച് വിശകലനം ചെയ്ത ശേഷം കുറ്റപത്രം തയ്യാറാക്കാനാണ് പൊലീസ് ശ്രമിക്കുന്നത്.
