അടുത്ത വർഷം പാകിസ്താൻ ലീ​ഗ് കളിക്കില്ല, ലക്ഷ്യം ഐപിഎൽ; മുഹമ്മദ് ആമിർ

പാകിസ്താൻ സൂപ്പർ ലീ​ഗ് ആരംഭിക്കാനിരിക്കെ വലിയൊരു പ്രസ്താവനയുമായി മുൻ പാക് താരം മുഹമ്മദ് ആമിർ. അടുത്ത വർഷം താൻ പാകിസ്താൻ സൂപ്പർ ലീ​ഗിൽ കളിക്കില്ലെന്നും ഐപിഎൽ കളിക്കാനാണ് ലക്ഷ്യമിടുന്നതെന്നും ആമിർ പറഞ്ഞു. ബ്രിട്ടീഷ് പൗരത്വം ലഭിക്കുന്നതോടെ താൻ ഐപിഎൽ കളിക്കാൻ യോ​ഗ്യനാകുമെന്നും അദ്ദേഹം പറഞ്ഞു. പാകിസ്താൻ ലീ​ഗിൽ ക്വൊറ്റ ​ഗ്ലാഡിയേറ്റേഴ്സിന്റെ താരമാണ് ആമിർ.

ഐപിഎല്ലും പിഎസ്എല്ലും ഒരേ സമയത്താണ് നടക്കുന്നു, ഒരു ബ്രിട്ടീഷ് പൗരനെന്ന നിലയ്‌ക്ക് താങ്കൾക്ക് ഐപിഎൽ കളിക്കാൻ യോ​ഗ്യനുമാണ്. അങ്ങനയെങ്കിൽ ഏത് തിരഞ്ഞെടുക്കുമെന്നായിരുന്നു ഓൺലൈൻ അഭിമുഖത്തിലെ അവതാരകന്റെ ചോദ്യം. “സത്യം പറഞ്ഞാൽ, അവസരം ലഭിച്ചാൽ ഞാൻ ഐപിഎൽ കളിക്കും.

ഞാൻ ഇത് തുറന്ന് പറയുന്നു. പക്ഷേ ഐപിഎല്ലിൽ ചാൻസ് ലഭിച്ചില്ലെങ്കിൽ പിന്നെ പാകിസ്താൻ ലീ​ഗിൽ കളിക്കും”—-ആമിർ കളിക്കും. 2008ന് ശേഷം പാകിസ്താൻ താരങ്ങളെ ഐപിഎല്ലിൽ നിന്ന് വിലക്കിയിരിക്കുകയാണ്. മുംബൈ ഭീകരാക്രമണത്തിന് പിന്നാലെയായിരുന്നു വിലക്ക് വന്നത്.

🚨 Mohammad Amir in DRS show:

❝ Amir was asked which league he would choose next year if PSL and IPL happen at the same time, after getting his British passport. He said without hesitation: ‘I’ll play IPL. ❞

🖼️: @TeamQuetta #PSL10 #IPL2025 #Amir pic.twitter.com/e5xZ11RcBg

— Rana Husnain Aleem (@husnain19X) April 10, 2025