കൊച്ചി: കളമശ്ശേരി സ്ഫോടനക്കേസില് സാക്ഷി പറയുന്നവരെ കൊല്ലുമെന്ന് ഭീഷണി. പ്രതി മാർട്ടിനെതിരെ സാക്ഷി പറയുന്നവരെ കൊലപ്പെടുത്തുമെന്നാണ് ഭീഷണി.യഹോവ സാക്ഷികളുടെ പിആര്ഒയുടെ ഫോണിലാണ് ഭീഷണി സന്ദേശമെത്തിയത്. ഈ മാസം 12ന് രാത്രി വാട്സ്ആപ്പ് മുഖാന്തരമാണ് ഭീഷണി സന്ദേശം വന്നത്.
കളമശ്ശേരി സ്ഫോടനക്കേസ് പ്രതി ഡോമിനിക് മാര്ട്ടിനെതിരെ മൊഴി നല്കരുതെന്നാണ് പ്രധാനമായും ഭീഷണി സന്ദേശത്തിലുള്ളത്. കേസില് സാക്ഷി പറഞ്ഞാല് യഹോവ സാക്ഷികളുടെ സമ്മേളനങ്ങളിലും കേന്ദ്രങ്ങളിലും ബോംബ് വെക്കുമെന്നും ഭീഷണി സന്ദേശത്തില് പറയുന്നു.
മലേഷ്യൻ നമ്പറിൽ നിന്നാണ് സന്ദേശം ലഭിച്ചത്. സംഭവത്തില് കളമശ്ശേരി പൊലീസ് കേസെടുത്ത് അന്വേഷണം ആരംഭിച്ചു.
2023 ഒക്ടോബര് 29ന് രാവിലെയാണ് യഹോവ സാക്ഷികളുടെ കണ്വെന്ഷന് നടന്ന കളമശ്ശേരി ഇന്റര്നാഷണല് കണ്വെന്ഷന് സെന്ററിലെ ഹാളില് സ്ഫോടനമുണ്ടായത്. സ്ഫോടനത്തില് എട്ട് പേർ കൊല്ലപ്പെട്ടിരുന്നു. 45 ഓളം പേര്ക്ക് പരിക്കേറ്റു. കൊച്ചി തമ്മനം സ്വദേശി ഡൊമിനിക് മാര്ട്ടിന് ആണ് കേസിലെ ഏക പ്രതി.
