കൽപ്പറ്റ: മാരക മയക്കുമരുന്നായ എംഡിഎംഎയും കഞ്ചാവ് നിറച്ച സിഗരറ്റുമായി നാല് യുവാക്കൾ പിടിയിൽ. പിണങ്ങോട് കനിയിൽ പടിയിൽ നിന്നാണ് നാല് യുവാക്കളെ കൽപ്പറ്റ പൊലീസ് കസ്റ്റഡിയിലെടുത്തത്. ഇവരിൽ നിന്നും 0.23 ഗ്രാം എംഡിഎംഎയും കഞ്ചാവ് നിറച്ച സിഗരറ്റുകളും പൊലീസ് കണ്ടെടുത്തു.
പിണങ്ങോട് പള്ളിമാലിന് വീട്ടില് മുഹമ്മദ് സഫ്വാന് (30), വെങ്ങപ്പള്ളി പനന്തറ വീട്ടില് അബ്ദുല് സമദ് (29), പിണങ്ങോട് പള്ളിയാല് വീട്ടില് അജ്മല് നിസാം (30), പിണങ്ങോട്, പീച്ചന്വീടന് വീട്ടില് പി വി റിജു മിലാന്(30) എന്നിവരെയാണ് പിടികൂടിയത്. ലഹരിഉപയോഗിക്കുന്നതിനായി കനിയിൽപടിയിൽ എത്തിയതായിരുന്നു യുവാക്കൾ. ഈ സമയത്ത് ഇവിടെയെത്തിയ പൊലീസ് സംഘത്തിനെ പരിശോധനയിലാണ് ഇവർ കുടുങ്ങിയത്.
