ന്യൂഡൽഹി: രാജ്യത്തെ പൗരന്മാർക്ക് ഈദ് ആശംസകൾ നേർന്ന് പ്രധാനമന്ത്രി നരേന്ദ്രമോദി. രാജ്യത്തുടനീളമുള്ള ആളുകൾ സമർപ്പണബോധത്തോടെയും ഐക്യത്തോടെയും ഒരുമിച്ച് നിൽക്കണമെന്ന് പ്രധാനമന്ത്രി ആശംസിച്ചു. എക്സിലൂടെയാണ് പ്രധാനമന്ത്രി ഈദ് ആശംസകൾ നേർന്നത്. ഈദ് ദിനത്തിൽ എല്ലാവർക്കും ആശംസകൾ നേരുന്നുവെന്നും സമാധാനവും ആരോഗ്യവും ഐക്യവും ഉണ്ടാകട്ടെയെന്നും പ്രധാനമന്ത്രി എക്സിൽ കുറിച്ചു.
രാഷ്ട്രപതി ദ്രൗപദി മുർമുവും ഈദ് ദിനത്തിൽ രാജ്യത്തെ പൗരന്മാർക്ക് ആശംസകൾ നേർന്നു. സ്നേഹത്തിന്റെയും ത്യാഗത്തിന്റെയും വിശ്വാസത്തിന്റെയും അടയാളമാണ് ഈ ദിവസമെന്നും എല്ലാ മുസ്ലീം സഹോദരങ്ങൾക്കും ഹൃദയംഗമമായ ആശംസകൾ അറിയിക്കുന്നുവെന്നും രാഷ്ട്രപതി കുറിച്ചു.
ഈദ് ദിനത്തോടനുബന്ധിച്ച് രാജ്യത്തുടനീളമുള്ള പള്ളികളിൽ രാവിലെ മുതൽ പ്രാർത്ഥനങ്ങൾ നടന്നു. ഡൽഹിയിലും നോയിഡയിലും ആയിരക്കണക്കിന് വിശ്വാസികൾ ഒത്തുകൂടി.
