നട്ടപ്പാതിരാത്രി റോഡിലൂടെ ഒരു ഉല്ലാസയാത്ര ; ‘ബ​ഗീര’യും സുഹൃത്തുക്കളും ജനവാസമേഖലയിൽ ; അപൂർവ കാഴ്ചയെന്ന് വനംവകുപ്പ് ഉദ്യോഗസ്ഥർ, ദൃശ്യങ്ങൾ പുറത്ത്

ചെന്നൈ: തമിഴ്നാട്ടിൽ ജനവാസ മേഖലയിൽ പുള്ളിപ്പുലിയിറങ്ങി. തമിഴ്നാട്ടിലെ നീല​ഗിരിയിലാണ് സംഭവം. റോഡിലൂടെ നടന്നുനീങ്ങുന്ന പുലിക്കൂട്ടത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ഒരു കരിമ്പുലിയും രണ്ട് പുള്ളിപ്പുലികളുമാണ് രാത്രി സവാരിക്കിറങ്ങിയത്. ജനവാസമേഖലയിലൂടെ നടക്കുന്ന പുലികളുടെ ദൃശ്യങ്ങൾ സമൂഹ​മാദ്ധ്യമങ്ങളിൽ വൈറലാവുകയാണ്. എന്നാൽ നിരവധി കുടുംബങ്ങൾ താമസിക്കുന്ന പ്രദേശമാണിത്. അതുകൊണ്ട് തന്നെ ദൃശ്യം പുറത്തുവന്നതിന് പിന്നാലെ നാട്ടുകാർ ഭീതിയിലാണ്.

Rare & Remarkable Sighting🐆

Black panther along with 2 other leopards spotted in Nilgiris. pic.twitter.com/2GFOb6b4dg

— Kishore Chandran (@tweetKishorec) July 17, 2025

വനംവകുപ്പ് ഉദ്യോ​ഗസ്ഥനായ പർവീൺ കസ്വാനാണ് ദൃശ്യങ്ങൾ സോഷ്യൽമീഡിയയിൽ പങ്കുവച്ചത്. കരിമ്പുലിയെ ബ​ഗീര എന്നാണ് ഉദ്യോ​ഗസ്ഥൻ വിശേഷിപ്പിച്ചത്. ബ​ഗീരയും സുഹൃത്തുക്കളും നടക്കാനിറങ്ങിയ അപൂർവ കാഴ്ചയാണിതെന്നും പർവീൺ കുറിച്ചു.

കഴിഞ്ഞ 16-ന് റെക്കോർഡ് ചെയ്ത വീഡിയോയാണ് പുറത്തുവന്നത്. നീല​ഗിരിയിൽ പുള്ളിപ്പുലി ഇറങ്ങുന്നത് പതിവാണ്. എന്നാൽ കരിമ്പുലി ജനവാസമേഖലകളിൽ എത്താറില്ല. ഇത് അപൂർവകാഴ്ചയാണെന്നാണ് വനംവകുപ്പ് ഉദ്യോ​ഗസ്ഥൻ പറയുന്നത്.