ന്യൂഡൽഹി : വഖ്ഫ് ഭേദഗതി നിയമം അടിയന്തരമായി സ്റ്റേ ചെയ്യണമെന്ന് ആവശ്യപ്പെട്ട് വീണ്ടും സുപ്രീംകോടതിയെ സമീപിച്ച് സമസ്ത. സുപ്രീംകോടതിക്ക് നല്കിയ ഉറപ്പ് ലംഘിച്ച് സര്ക്കാര് വഖ്ഫ് ഭൂമികള് ഏറ്റെടുക്കുന്നുവെന്നാണ് ഹര്ജിയിലെ ആക്ഷേപം.
നിയമത്തിന്റെ പേരില് കെട്ടിടങ്ങള് പൊളിക്കുന്നു. ഭൂമി പിടിച്ചെടുക്കുകയും ചെയ്യുന്നെന്ന് സമസ്ത പറയുന്നു.
അഭിഭാഷകന് സുള്ഫിക്കര് അലിയാണ് ഹര്ജി സമര്പ്പിച്ചത്. വഖ്ഫ് നിയമ ഭേദഗതിയെ ചോദ്യം ചെയ്ത് നേരത്തെയും സമസ്ത സുപ്രീം കോടതിയെ സമീപിച്ചിരുന്നു.
കഴിഞ്ഞ മേയ് മാസത്തിലാണ് സുപ്രീംകോടതി വഖ്ഫ്നിയമത്തിനെതിരായ ഹര്ജികളില് വാദം പൂര്ത്തിയാക്കി ഇടക്കാല ഉത്തരവ് പുറപ്പെടുവിക്കാന് മാറ്റിയത്.
