തിരുവനന്തപുരം :പ്രതിസന്ധിയിലായ സംസ്ഥാന സർക്കാർ സ്ഥാപനത്തിന് കേന്ദ്ര സർക്കാരിന്റെ കൈത്താങ്ങ്. ചേർത്തലയിലെ ഓട്ടോ കാസ്റ്റ് ലിമിറ്റഡിന്റെ സ്ഥലം കേന്ദ്ര വെയർഹൗസിങ് കോർപ്പറേഷൻ പാട്ടത്തിനെടുത്ത് നിർമ്മാണ പ്രവർത്തനങ്ങൾ തുടങ്ങും. ഇതിനായി 26.7 കോടി രൂപയ്ക്ക് പാട്ടക്കരാറിലെത്തി.
തകർച്ചയlലായിരുന്ന ഓട്ടോ കാസ്റ്റിന് വലിയൊരു ആശ്വാസമാണ് കേന്ദ്ര സ്ഥാപനത്തിന്റെ ഈ കൈത്താങ്ങ്. കേന്ദ്ര സഹ മന്ത്രി സുരേഷ് ഗോപിയുടെ ഇടപെടലിനെ തുടർന്നാണ് നടപടി. കേന്ദ്ര മന്ത്രി പ്രഹ്ലാദ് ജോഷിയുമായി സുരേഷ് ഗോപി സംസാരിച്ചതിനെ തുടർന്നാണ് നടപടികൾ വേഗത്തിലായത്.
