ന്യൂഡൽഹി: പ്രധാനമന്ത്രി നരേന്ദ്രമോദി നാളെ മണിപ്പൂർ സന്ദർശിക്കും. നിരവധി വികസനപദ്ധതികൾ ഉദ്ഘാടനം ചെയ്യാനും വിവിധ പദ്ധതികൾക്ക് തറക്കല്ലിടാനുമാണ് പ്രധാനമന്ത്രി മണിപ്പൂർ സന്ദർശിക്കുന്നത്. 8,500 കോടി രൂപയുടെ 17 വികസന പദ്ധതികൾ പ്രധാനമന്ത്രി രാജ്യത്തിന് സമർപ്പിക്കും.
മിസോറാം സന്ദർശിച്ച് വിവിധ വികസന പദ്ധതികൾ ഉദ്ഘാടനം ചെയ്യും. പൂര്ത്തിയായ പദ്ധതികളുടെ ഉദ്ഘാടനത്തിനൊപ്പം വടക്കു-കിഴക്കൻ സംസ്ഥാനങ്ങളുടെ സമഗ്ര വികസനം ലക്ഷ്യമിട്ടുളള പുതിയ പദ്ധതികൾക്കും പ്രധാനമന്ത്രി തറക്കല്ലിടും. മണിപ്പൂരിലെ സംഘര്ഷമേഖലയിലാണ് പ്രധാനമന്ത്രി വികസന പദ്ധതികൾക്ക് തുടക്കം കുറിക്കുക.
ചരിത്രത്തിലാദ്യമായി മിസോറാമിനെ ഭാരതത്തിന്റെ റെയിൽവേ ശൃംഖലയുമായി കൂട്ടിയിണക്കുന്ന ഭൈരബി – സായ് രംഗ് റെയിൽവേ ലൈനും പ്രധാനമന്ത്രി ഉദ്ഘാടനം ചെയ്യും. ചുരാചന്ദ്പൂരിൽ 7,300 കോടിയുടെ വികസന പദ്ധതികൾക്ക് പ്രധാനമന്ത്രി തറക്കല്ലിടും. കൂടാതെ ഇംഫാലിലെ കാംഗ്ല കോട്ടയിൽ 1,200 കോടി രൂപയുടെ അടിസ്ഥാനസൗകര്യ വികസന പദ്ധതികളും ഉദ്ഘാടനം ചെയ്യുമെന്ന് മണിപ്പൂർ ചീഫ് സെക്രട്ടറി പുനീത് കുമാർ ഗോയൽ പറഞ്ഞു.
മിസോറാമിലെ അക്രമബാധിത പ്രദേശങ്ങളിലെ ആളുകളുമായി പ്രധാനമന്ത്രി സംവദിക്കും. അവിടെ നടക്കുന്ന പൊതുസമ്മേളനത്തെ അദ്ദേഹം അഭിസംബോധന ചെയ്യും.
