എറണാകുളം : മജ്ജമാറ്റിവയ്ക്കൽ ശസ്ത്രക്രീയയ്ക്ക് ഫോട്ടോഗ്രാഫർ സഹായം തേടുന്നു. വൈക്കം ചെമ്പ് സ്വദേശി കെ ബി വിജയനാണ് 30 ലക്ഷത്തോളം രൂപ ചിലവ് വരുന്ന ശസ്ത്രക്രീയയ്ക്ക് പണം കണ്ടെത്താനാകാതെ ബുദ്ധിമുട്ടുന്നത്.
2024 ജൂലൈയിലാണ് വിജയന് രക്താർബുദം സ്ഥിരീകരിക്കുന്നത്.രക്താർബുദം സ്ഥിരീകരിച്ചതിനെ തുടർന്ന് തിരുവനന്തപുരം റീജ്യണൽ ക്യാൻസർ സെൻ്ററിൽ ചികിത്സ തേടി കീമോതെറാപ്പിയടക്കമുള്ള ചികിത്സകൾ നടത്തിയിരുന്നു. ഇതിനും ലക്ഷങ്ങൾ ചിലവായി. രോഗം പൂർണമായും ഭേദമാകാൻ മജ്ജമാറ്റിവയ്ക്കൽ ശസ്ത്രക്രിയ നടത്തണമെന്നാണ് ഡോക്ടർമാർ നിർദ്ദേശിച്ചിരിക്കുന്നത്. ഇതിന് 30 ലക്ഷത്തോളം രൂപ ചിലവ് വരും. കെ ബി വിജയനും, അങ്കണവാടി ജീവനക്കാരിയായ ഭാര്യ മഹേശ്വരിക്കും സ്വരൂപിക്കാനാവുന്നതല്ല ഈ വലിയ തുക.വിജയനെ പരിചരിക്കുന്ന മഹേശ്വരിക്കും കൃത്യമായി ജോലിക്ക് പോകാനാകുന്നില്ല. പണം കണ്ടെത്തിയാലുടൻ ശസ്ത്രക്രീയ നടത്താനാകും. സുമനസുകളുടെ സഹായം കൂടി ലഭിച്ചാൽ ജീവിതം തിരികെ പിടിക്കാമെന്ന പ്രതീക്ഷയിലാണ് നാട്ടുകാരുടെ പ്രീയപ്പെട്ട ഫോട്ടോഗ്രാഫർ കെ ബി വിജയൻ.
ഫോട്ടോഗ്രാഫി ജീവനോപാധിയല്ല, ജീവിതം തന്നെയാക്കിയ വിജയനെതേടി, ക്യാമറ കണ്ണുകൾ ഒപ്പിയെടുത്ത മികച്ച ചിത്രങ്ങൾക്കുള്ള അംഗീകാരമായി നിരവധി ദേശീയ -സംസ്ഥാന തല അവാർഡുകളും ലഭിച്ചിട്ടുണ്ട്.
അക്കൗണ്ട് ഡീറ്റെയിൽസ്
കെ ബി വിജയൻ
സെൻട്രൽ ബാങ്ക് ഓഫ് ഇന്ത്യ
ചെമ്പ് ബ്രാഞ്ച്
അക്കൗണ്ട് നമ്പർ :2013962108
IFSE CODE:
CBIN0280958
ഇതാണ് G Pay no 9895395392
