തൃശൂർ: ചാവക്കാട് എടക്കഴിയൂരിൽ മദ്രസ അധ്യാപകൻ 9 വയസ്സുകാരിയെ മർദ്ദിച്ചതായി പരാതി. ക്ലാസിൽ കുട്ടികൾ വഴക്ക് കൂടിയെന്ന് പറഞ്ഞാണ് സംഭവത്തിൽ ഉൾപ്പെടാത്ത കുട്ടിയെ മർദ്ദിച്ചത് . എടക്കഴിയൂർ സ്വദേശി നൂർജഹാന്റെ മകൾക്കാണ് മർദ്ദനമേറ്റത്.
ഈ മാസം 13 നാണ് കുട്ടിക്ക് മർദ്ദനമേറ്റത്. ഗുരുതരമായി പരിക്കേറ്റ വിദ്യാർത്ഥിനിയെ ചാവക്കാട് താലൂക്ക് ആശുപത്രിയിലും പിന്നീട് സ്വകാര്യ ആശുപത്രിയിലും പ്രവേശിപ്പിച്ചു. സംഭവത്തിൽ ചാവക്കാട് പോലീസ് സ്റ്റേഷനിലും ചൈൽഡ് വെൽഫെയർ കമ്മിറ്റിക്കും കുട്ടിയുടെ മാതാവ് പരാതി നൽകിയിട്ടുണ്ട്.
പരാതിയുമായി മുന്നോട്ടു പോയാൽ കുട്ടിയെ ഇനി മദ്രസയിൽ കയറ്റില്ലെന്നും മഹല്ലിൽ ജീവിക്കാൻ സമ്മതിക്കില്ലെന്നും പള്ളി കമ്മിറ്റി ഭാരവാഹികൾ ഭീഷണിപ്പെടുത്തിയതായി നൂർജഹാന്റെ പറഞ്ഞു. പരാതി നൽകിയിട്ടും ചാവക്കാട് പോലീസ് കേസെടുക്കുന്നില്ലെന്നും നൂർജഹാന്റെ ആരോപിച്ചു.
