ഓപ്പറേഷൻ നുംഖോർ: സോഷ്യൽമീഡിയ ഇൻഫ്ലുവൻസർ ശിൽപ സുരേന്ദ്രന്റെ വാഹനം പിടിച്ചെടുത്തു

തിരുവനന്തപുരം : ഓപ്പറേഷൻ നുംഖോറിന്റെ ഭാ​ഗമായി കസ്റ്റംസ് നടത്തിയ അന്വേഷണത്തിൽ സോഷ്യൽമീഡിയ ഇൻഫ്ലുവൻസറുടെ വാഹനം പിടിച്ചെടുത്തു. തിരുവനന്തപുരം സ്വദേശിയായ ശിൽപ സുരേന്ദ്രന്റെ കാറാണ് പിടിച്ചെടുത്തത്.
ഭൂട്ടാനിൽ നിന്നും വാ​ഹനം കടത്തിക്കൊണ്ടുവന്ന് കേരളത്തിൽ വിറ്റഴിച്ച സംഭവത്തിൽ സംസ്ഥാനത്തുടനീളം പരിശോധന നടക്കുകയാണ്. ഇതിനിടെ ഇടുക്കിയിൽ നടന്ന റെയ്ഡിലാണ് കാർ പിടികൂടിയത്.

മലപ്പുറം സ്വദേശിനിയുടെ കയ്യിൽ നിന്നാണ് ശിൽപ വാ​ഹനം വാങ്ങിയത്. മൂന്ന് വർഷം മുമ്പായിരുന്നു വാ​​ഹനം ശിൽപയുടെ കയ്യിലെത്തിയത്. 20 ലക്ഷത്തോളം രൂപ ചെലവിലാണ് കാർ വാങ്ങിയതെന്നും വാങ്ങുന്ന സമയത്ത് കേരള രജിസ്ട്രേഷൻ നമ്പറായിരുന്നെന്നും ശിൽപ പ്രതികരിച്ചു.