തൃശ്ശൂർ: കേരളത്തിലെ സന്ന്യാസിമാരുടെ കൂട്ടായ്മയായ മാർഗ്ഗദർശകമണ്ഡലത്തിന്റെ ആഭിമുഖ്യത്തിൽ നടക്കുന്ന ധർമ്മസന്ദേശയാത്രയുടെ ഭാഗമായി യുവജന സംഗമം ‘യുവ 2025’ സംഘടിപ്പിച്ചു.
വർധിച്ചുവരുന്ന ലഹരി ഉപയോഗത്തിനും കുടുംബമൂല്യങ്ങളുടെ തകർച്ചയ്ക്കും ബദൽ സൃഷ്ടിക്കുക എന്ന ഉദ്ദേശ്യത്തോടെ 13 മുതൽ 30 വയസ്സ് വരെയുള്ള കുട്ടികളുടെയും യുവാക്കളുടെയും സംഗമമാണ് നടന്നത്.
വടക്കേച്ചിറ ഭാരതീയവിദ്യാഭവൻ ഓഡിറ്റോറിയത്തിൽ 10 മുതൽ ഒരുമണിവരെ നടന്ന പരിപാടി നടി അപർണാ ബാലമുരളി ഉദ്ഘാടനം ചെയ്തു.
സ്വാമി അദ്ധ്യാത്മാനന്ദസരസ്വതി, പ്രൊഫ. സരിത അയ്യർ, ഡോ. ടി.വി. മുരളിവല്ലഭൻ, സ്വാമി ബ്രഹ്മസ്വരൂപാനന്ദ, സ്വാമി നന്ദാത്മജാനന്ദ, സ്വാമി പ്രണവാനന്ദ, എന്നിവർ ക്ലാസുകൾക്കും ചർച്ചകൾക്കും നേതൃത്വം നൽകി. ഒക്ടോബറിൽ നടക്കുന്ന ധർമസന്ദേശയാത്രയുടെ പ്രചാരണാർഥമാണ് ‘യുവ 2025’ സംഘടിപ്പിച്ചത്.
