ബദരീനാഥ് : ഈ വർഷം ബദരീനാഥും കേദാർനാഥും ശൈത്യകാലത്തേക്ക് അടയ്ക്കേണ്ട തീയതി തീരുമാനിച്ചു. കേദാർനാഥ് ധാമിന്റെ കവാടങ്ങൾ ഈ വർഷം ഒക്ടോബർ 23 നും ബദരീനാഥ് ധാമിന്റെ കവാടങ്ങൾ ഈ വർഷം നവംബർ 25 ന് ഉച്ചയ്ക്ക് 2:56 നും ആചാരപരമായി അടച്ചിടുമെന്ന് ശ്രീ ബദരീനാഥ് കേദാർനാഥ് ക്ഷേത്ര കമ്മിറ്റി (ബികെടിസി) അറിയിച്ചു.
അടച്ചിടൽ തീയതി നിശ്ചയിക്കുന്നതിനായി ബദരീനാഥ് ക്ഷേത്ര പരിസരത്ത് വിജയദശമി ദിനത്തിൽ നടന്ന ചടങ്ങിൽ ധർമ്മാധികാരിയും വേദപണ്ഡിതന്മാരും ബി.കെ.ടി.സി.യിലെ ഉദ്യോഗസ്ഥരും പങ്കെടുത്തു. തുടർന്ന് ബദരീനാഥ് ധാമിലെ റാവൽ ആണ് ക്ഷേത്രം അടച്ചിടുന്ന തീയതി ഔദ്യോഗികമായി പ്രഖ്യാപിച്ചത്
ചാർ ധാം ക്ഷേത്രങ്ങളിൽപ്പെട്ട ബദരീനാഥ് ധാം സമുദ്രനിരപ്പിൽ നിന്ന് 3,584 മീറ്റർ ഉയരത്തിൽ മന്ദാകിനി നദിയുടെ തീരത്ത് സ്ഥിതി ചെയ്യുന്ന കേദാർനാഥ് ക്ഷേത്രം എന്നിവ എല്ലാ വർഷവും ലക്ഷക്കണക്കിന് ഭക്തരെ ആകർഷിക്കുന്നു.
കനത്ത മഞ്ഞുവീഴ്ചയും ശൈത്യകാലത്തെ കഠിനമായ തണുപ്പും കാരണം, ഉയർന്ന ഹിമാലയൻ മേഖലയിൽ സ്ഥിതി ചെയ്യുന്ന ‘ചാർധാം’ എല്ലാ വർഷവും ഒക്ടോബർ മുതൽ നവംബർ വരെ അടച്ചിടുകയും ഏപ്രിൽ-മെയ് മാസങ്ങളിൽ ഭക്തർക്കായി വീണ്ടും തുറക്കുകയും ചെയ്യും.
