തിരുവനന്തപുരം: 2024ലെ സംസ്ഥാന ചലച്ചിത്ര അവാർഡ് നിർണയ സമിതിയുടെ ജൂറി ചെയർമാനായി നടനും സംവിധായകനുമായ പ്രകാശ് രാജിനെ നിയമിച്ചു. പ്രാഥമിക വിധിനിർണയ സമിതിയിലെ രണ്ട് സബ് കമ്മിറ്റികളുടെ ചെയർമാന്മാരായി സംവിധായകരായ രഞ്ജൻ പ്രമോദ്, ജിബു ജേക്കബ് എന്നിവരെ നിയമിച്ചു.
സംസ്ഥാന സർക്കാർ നിയമന ഉത്തരവ് പുറത്തിറക്കി. ഇക്കുറി 128 സിനിമകളാണ് അവാർഡിന് സമർപ്പിക്കപ്പെട്ടത്. നാളെ രാവിലെ ആണ് സ്ക്രീനിംഗ് ആരംഭിക്കുന്നത്
ഞ്ജൻ പ്രമോദ്, ജിബു ജേക്കബ് എന്നിവർ അന്തിമ വിധിനിർണയ സമിതിയിലെ അംഗങ്ങളുമായിരിക്കും. ഡബ്ബിംഗ് ആർട്ടിസ്റ്റും സംസ്ഥാന പുരസ്കാര ജേതാവുമായ ഭാഗ്യലക്ഷ്മി, പിന്നണി ഗായികയും സംസ്ഥാന പുരസ്കാര ജേതാവുമായ ഗായത്രി അശോകൻ, സൗണ്ട് ഡിസൈനറും സംവിധായകനുമായ നിതിൻ ലൂക്കോസ്, തിരക്കഥാകൃത്തും എഴുത്തുകാരനുമായ സന്തോഷ് ഏച്ചിക്കാനം എന്നിവരാണ് അന്തിമ വിധിനിർണയ സമിതിയിലെ മറ്റംഗങ്ങൾ.
രചനാ വിഭാഗം ജൂറിയുടെ ചെയര്പേഴ്സണ് മധു ഇറവങ്കരയാണ്. എ ചന്ദ്രശേഖര്, ഡോ. വിനീത വിജയന് എന്നിവരാണ് ഈ ജൂറിയിലെ അംഗങ്ങള്. ഒപ്പം ചലച്ചിത്ര അക്കാദമി സെക്രട്ടറി സി അജോയ് പ്രാഥമിക, അന്തിമ വിധി നിര്ണ്ണയ സമിതികളിലും രചനാ വിഭാഗം ജൂറിയിലും മെമ്പര് സെക്രട്ടറി ആയിരിക്കും.
