കൊച്ചി: 25 കോടിയുടെ ഓണം ബമ്പർ ലോട്ടറി അടിച്ചത് ആലപ്പുഴ തുറവൂർ സ്വദേശി ശരത്. എസ്. നായർക്ക്. നെട്ടൂരിലെ പെയിന്റ് കട ജീവനക്കാരനാണ് ശരത്. ആലപ്പുഴയിലെ എസ്ബിഐ ശാഖയിൽ ശരത് ടിക്കറ്റ് ഹാജരാക്കി. അനിയനൊപ്പമാണ് ശരത് ബാങ്കിൽ എത്തിയത്.
ചെറിയ തുകയുടെ ടിക്കറ്റ് വല്ലപ്പോഴും എടുക്കാറുണ്ട്. ആദ്യമായാണ് ബമ്പർ ലോട്ടറി എടുത്തതെന്ന് ശരത് പറഞ്ഞു. ഓഫീസിൽ വച്ചാണ് നോക്കിയത്. ആദ്യം കണ്ടപ്പോൾ വിശ്വസിക്കാനായില്ല. മൂന്നാല് പ്രാവശ്യം നോക്കിയതിനു ശേഷമാണ് എനിക്ക് തന്നെ ആണെന്ന് ഞാൻ ഉറപ്പിച്ചത്. സഹോദരനോടാണ് ആദ്യം വിവരം പറഞ്ഞത്. 12 വർഷമായി പെയ്ന്റെ് കടയിലെ ജോലി ചെയ്യുകയാണെന്ന് ശരത് പറഞ്ഞു.
സമ്മാനത്തുകയെക്കുറിച്ച് നിലവിൽ പ്രത്യേക പ്ലാനുകളൊന്നുില്ല. നികുതി കാര്യങ്ങൾ പൂർത്തിയാക്കിയ ശേഷം തീരുമാനിക്കുമെന്നും അദ്ദേഹം വ്യക്തമാക്കി. അമ്മയും അച്ഛനും ഭാര്യയും ആറുമാസം പ്രായമുള്ള കുഞ്ഞുമടങ്ങുന്നതാണ് ശരത്തിന്റെ കുടുംബം. ബികോം ബിരുദധാരിയാണ് ശരത്.
