കൊല്ലം: പഠനയാത്രയെ സാമൂഹിക സന്ദേശപരിപാടിയാക്കി സി.വി. കെ. എം. ഹയർ സെക്കൻഡറി സ്കൂളിലെ പത്താം ക്ലാസ് വിദ്യാർത്ഥികൾ. മുൻ വർഷങ്ങളിൽ ബസ് അലങ്കാരങ്ങൾക്കും അകമ്പടി വാഹനങ്ങൾക്കും നല്ലൊരു തുക ചെലവഴിച്ചിരുന്നു. ഇത്തവണ ഇവയെല്ലാം ഒഴിവാക്കി പുതിയ മാതൃക സൃഷ്ടിച്ചിരിക്കുകയാണ് കൊച്ചു മിടുക്കൻമാർ.
ഇത്തരത്തിൽ സ്വരുക്കൂട്ടിയ തുക കൊണ്ട് സാമ്പത്തികമായി പിന്നാക്കം നിൽക്കുന്ന സഹപാഠികൾക്ക് പഠനയാത്രയിൽ പങ്കെടുക്കാനുള്ള അവസരം വിദ്യാർത്ഥികൾ ഒരുക്കി. കൂടാതെ ക്യാൻസർ ബാധിതയായ ഒരു അമ്മയ്‌ക്ക് ധനസഹായം നൽകുകയും ചെയ്തു.
പരിപാടിയിൽ കൊല്ലം എൻഫോഴ്സ്മെൻ്റ് എഎ വി മുഖ്യാതിഥിയായി പങ്കെടുത്തു. സ്കൂൾ അധികൃതരും രക്ഷിതാക്കളും വിദ്യാർത്ഥികളും സന്നിഹിതരാകുകയും ചെയ്തു. പഠനയാത്രയെ വിനോദത്തിനപ്പുറം സഹജീവി ബോധത്തിന്റെയും കരുണയുടെയും പാഠമാക്കുന്ന ഈ സംരംഭം വിദ്യാർത്ഥികളിൽ സാമൂഹിക ഉത്തരവാദിത്വം വളർത്തുന്ന അപൂർവമായ മാതൃകയായി മാറുന്നു.
