ബീഹാറിൽ വീണ്ടും എൻ ഡി എ ഭരണം: എക്സിറ്റ് പോളിൽ എൻ ഡി എ യ്‌ക്ക് വൻ മുന്നേറ്റം ; ഇൻഡി സംഖ്യം മൂന്നക്ക സീറ്റ്  കടക്കില്ലെന്ന് പ്രവചനം

പട്ന: ബീഹാറിൽ എൻ ഡി എ സഖ്യം വീണ്ടും സർക്കാർ രൂപീകരിക്കുമെന്ന് തിരഞ്ഞെടുപ്പിനു ശേഷമുള്ള എക്സിറ്റ് പോളുകൾ വെളിപ്പെടുത്തുന്നു.

ബീഹാറിലെ ആകെയുള്ള 243 നിയമസഭാ മണ്ഡലങ്ങളിലേക്ക് നവംബർ 6 നും ഇന്നും (നവംബർ 11) നും രണ്ട് ഘട്ടങ്ങളിലായാണ് തിരഞ്ഞെടുപ്പ് നടന്നത്. 121 മണ്ഡലങ്ങളിലേക്ക് നടന്ന ആദ്യ ഘട്ട തിരഞ്ഞെടുപ്പിൽ 65 ശതമാനം പോളിംഗ് രേഖപ്പെടുത്തി. രണ്ടാം ഘട്ട തിരഞ്ഞെടുപ്പിൽ വൈകുന്നേരം 5 മണി വരെ 67.14 ശതമാനം പോളിംഗ് രേഖപ്പെടുത്തി.

ഈ തിരഞ്ഞെടുപ്പിൽ, ബിജെപി, ജനതാദൾ യുണൈറ്റഡ് തുടങ്ങിയ പാർട്ടികൾ ഉൾപ്പെടുന്ന എൻ ഡി എ സഖ്യവും, രാഷ്‌ട്രീയ ജനതാദൾ, കോൺഗ്രസ് തുടങ്ങിയ പാർട്ടികൾ ഉൾപ്പെടുന്ന മഹാഗത്ബന്ധൻ സഖ്യവും തമ്മിലായിരുന്നു കടുത്ത മത്സരം ഉണ്ടായിരുന്നത്. കൂടാതെ, തിരഞ്ഞെടുപ്പ് തന്ത്രജ്ഞൻ പ്രശാന്ത് കിഷോർ ജൻ സൂരജ് എന്ന പേരിൽ ഒരു പാർട്ടി രൂപീകരിച്ച് മൂന്നാമതായി മത്സരരംഗത്തേക്ക് പ്രവേശിച്ചിരുന്നു. രണ്ട് ഘട്ട തിരഞ്ഞെടുപ്പുകളും പൂർത്തിയായ ശേഷം, ഇന്ന് വൈകുന്നേരം തിരഞ്ഞെടുപ്പിന് ശേഷമുള്ള എക്സിറ്റ് പോളുകൾ പുറത്തുവന്നു.

ഈ സർവേകളിൽ ഭൂരിഭാഗവും എൻ ഡി എ സഖ്യം വീണ്ടും സർക്കാർ രൂപീകരിക്കുമെന്ന് പ്രവചിച്ചിട്ടുണ്ട്.ഈ തെരഞ്ഞെടുപ്പിൽ മത്സരിച്ച തിരഞ്ഞെടുപ്പ് തന്ത്രജ്ഞൻ പ്രശാന്ത് കിഷോറിന് ഒരു സ്വാധീനവും ഉണ്ടാകില്ലെന്നും അദ്ദേഹത്തിന്റെ പാർട്ടി കുറച്ച് സീറ്റുകൾ മാത്രമേ നേടൂ എന്നും ഈ സർവേകൾ സൂചിപ്പിക്കുന്നു.

പോൾ ഫലങ്ങൾ

ടൈംസ് നൗ
NDA : 142
ഇൻഡി സഖ്യം : 95
ജൻ സൂരജ്: 1
മറ്റുള്ളവ: 5

ജെവിസി പോൾ
NDA : 135- 150
ഇൻഡി :88 – 103
ജൻ സൂരജ് : 0-1
മറ്റുള്ളവ: 3-6

മാട്രിക്ക്സ്
NDA അലയൻസ്: 147-167
ഇൻഡി സഖ്യം : 70 – 90
ജൻ സൂരജ് : 0-2
മറ്റുള്ളവ: 2-8

പീപ്പിൾസ് ഇൻസൈറ്റ്
NDA : 133- 148
ഇൻഡി സഖ്യം : 87 – 102
ജാൻ സൂരജ് : 0-2
മറ്റുള്ളവ: 3-6

പീപ്പിൾസ് പൾസ്
NDA: 133 -159
ഇൻഡി സഖ്യം :75 -101
ജാൻ സൂരജ് :0-1
മറ്റുള്ളവ:0-2

ദൈനിക് ഭാസ്‌കർ
NDA: 145 – 160
ഇൻഡി സഖ്യം :73 – 91
ജൻസുരാജ്: 0 – 3
മറ്റുള്ളവ 5 – 7